希鳥

营业中

休息中

约咗好耐，终于同朋友一齐嚟食全鸡宴嘅omakase。铺头采用bar 枱型式，可容纳约十零人。店员好有礼貌而且贴心，为我哋悉心讲解食材，开始前亦会提示我哋今日嘅菜式会有半生熟嘅鸡件，如果介意可以转换另一食材。第一道喺丸子清鸡汤。鸡肉丸肉质弹牙，作为开胃菜确实不错。第二道喺烧鸡颈肉，亦系第一款串烧。一食落口已经食得出炭香味。加上油脂烧过后非常之香。串烧下半部份有黄芥末调味，令我哋食到唔同风味。第三道喺低温处理鸡胸肉配牛油果。当中配合埋烧鸡皮口感丰富，酸酸甜甜嘅藻啫喱食落都好新鲜。之后落嚟嘅喺鸡肉刺身配三文鱼子。鸡肉刺身口感似平时鱼刺身，但感觉无咁肥腻。跟住系鸡肝酱威化饼佢嘅外观好靓，加上果籽可以中和咗𠮶种肥腻感。串烧嘅款式真系好多，接住就上咗鸡大胸串烧。鸡皮烧得好脆，店员亦提我哋可以先食原味，之后再加山椒粉。中间嘅香葱系点睛，一啖鸡肉，再加一啖香口香葱非常之夹！第七道系鸡冠茶碗蒸，有蟹肉喺面，原来鸡冠嘅口感似带子边，感觉非常新奇。加上茶碗蒸非常热烫，食完好暖笠笠。第八道系鸡心血管串烧，即使系内脏都无怪味，口感似鸡贤，都几弹牙，而且炭香味重。跟住系米糕，由面筋做成，有艾草、竹炭两种口味，配以