Gourmet Burger Union (已結業)

话说今日想食junk　food，咁就打算落楼下食burger，本来想去shake　em　buns，但行过gourmet　burger，发觉未食过，咁就去试吓菜。一入到去，成阵油烟味，已经觉得唔系好对路，不过算啦，然后叫咗份薯条同个Burger.等呀等，等咗起码１０分钟，个burger终于送到我面前。一啖咬落去，哗，个包中间仲未热。都算喇，啲牛肉碎到不停咁跌出嚟，咁即系话佢做块汉堡扒𠮶阵已经有问题。食落口，净系食到茄汁味，块汉堡一啲都唔juicy，牛肉味又唔香，仲有啲干添。跟住到戏肉，薯条终于到喇，送到我面前，哗~好似啲梅菜咁林晒。咁我叫佢哋再整过啦，到第二次都系咁，我同个店员讲，我虽然唔系厨师，但都唔会整啲咁嘅薯条比人食啰，我要refund啲钱。咁佢讲埋啲废话咁话，我哋啲薯条唔系frozen薯条...bla bla bla.....我话之你系咪frozen，总之你落镬炸𠮶阵啲油唔够热啦。你开舖之前，应该练好啲厨艺先开舖啦，咁我攞番20蚊就走咗。