柴石燒 (已結業)

坊间foodcourt入面嘅食肆都系以连锁集团经营为主，不过早排将军澳一个楼盘下面就开咗一个全💛嘅foodcourt，系香港现时唯一一个💛foodcourt - 日日・食良，入面所有食肆都系良心店，好方便附近居民揾食。呢度嘅食肆选择唔算多，有石烧扒类、奶茶、烧味、冰室、牛腩粉等，今次我就试咗最多人推介嘅石烧牛－柴石烧，餐牌上除咗有唔同款式嘅石烧肉类之外仲有几款日式丼饭，包沙律同面豉汤。纽西兰西冷石烧套餐（配沙律、饭、面豉汤）西冷扒都几大块同厚身，食起上嚟可以啖啖肉🥩石烧套餐可以系3款酱汁之中拣一款，包括黑椒、蒜蓉或者烧汁，好有以前港式西餐嘅感觉。旧石好够热，不过因为太热又冇其他地方可以放住烧好嘅牛，所以个牛扒就一路要烧住搞到熟咗啲😅😅食落有少许肉味不过偏韧，而且有好大条筋嘥咗，肉嘅质素唔算好靓不过呢个价钱都可以勉强接受。人均消费：$90推介指数（10分为满分）：6分