麗島小廚 (已結業)

两个人走去食椰子鸡煲，估唔到要半只鸡竟然系咁大兜，好彩唔系叫咗好多其他野，如果唔系实食唔晒，呢间鸡煲又好食又抵食。佢嘅椰子鸡煲先上汤底，然后成碟鸡拎过黎，仲有一个椰青，伙记喺你面前落D鸡落个汤底度，然后再倒个椰青水落去，之后就盖锅等佢滚。滚起等大约5分钟左右就食得，伙计建议我地先饮个头啖汤，再食鸡，之后先至开始打边炉。头啖汤好清甜好正，椰子水的香味同鸡肉味混为一体都米话唔和味。佢D鸡除咗大只之外，都几新鲜，D鸡味好出，鸡肉好有弹性几好食，只鸡唔系好肥，唔洗系咁咬走D脂肪。饮够汤食够鸡之后就打边炉，其实已经差唔多饱，不过都叫咗碟安格斯同一份墨鱼滑，墨鱼滑竟然系墨汁墨鱼滑真系令人开心，碟安格斯都好靓，入口软熟，质素真系唔错。