杦 (已結業)

星期六终于有时间拍下拖，见到将军澳有omakase食，就试吓个午餐一人前$680，同埋散叫左个杂锦天妇罗$198😋餐厅装潢简洁，午餐时段好彩唔太多人，唔驶等位就可以入座卡位😙服务员态度唔错，每样食物来到都会介绍👍🏻头盘系海胆秋葵淮山👍🏻，配搭呢个甜点；海胆好鲜甜，淮山秋葵都好新鲜，呢个配搭几清新，个甜点好得意，侍应话上面黄色嘅系用蛋做嘅，下面白色嘅我就唔记得咗系乜嘢，不过冇乜味🤪刺身有三款，拖罗几肥美，蟹棒都几鲜甜，另外𠮶款鱼普通啦，所以连名都唔记得咗🤣寿司🍣海胆最好食好鲜甜👍🏻，右口鱼口感几得意，火炙拖罗ok，虾上边配左虾膏味道一般，不过带子就有啲腥感觉唔太新鲜😵吞拿鱼蓉手卷不过不失🙂杂锦天妇罗，食材算新鲜，但感觉唔系好天妇罗，好似炸野咁，可能粉太少，食完有啲喉咙痛😞烧鳕鱼🐟一般，不过个蕃茄几好食，几juicy😙😙鱼汤野菜乌冬，我觉得个鱼汤好腥，个乌冬有啲淋，唔太弹牙，唯一觉得惊喜嘅系个d黄色一粒粒野，好甜好好味🙃甜品中规中矩啦😏整体来讲，选择种类唔太多，食物算新鲜，尤其海胆几好食，不过煮物就好一般，仲有进步空间；二人午餐盛惠$966，有啲贵，同埋唔系好饱