影片
更多
2019-07-15
13 浏览
有时情侣两个出外想食点心，去茶楼比较尴尬，每次都被迫打消念头，经过今次食升哥点心， 我地两个下次想饮茶就有新路数。今日同男友探朋友前经过呢间主打点心既餐厅，入面坐满客人， 咁岩想饮茶， 就入去食埋个晏。两点几一入门口， 店内人头涌涌， 坐满九成，但老板娘都马上为我地安排好位置， 姐姐都好快问我地咩茶底， 我地拣左香片，转个头就送到。餐牌菜式价钱相宜， 甚至比酒楼平少少。比较特别嘅系，餐厅除咗传统中式点心，仲有啲新派fusion小食， 力求创新既我哋拣咗叉烧肠，虾饺王，蔗糖马拉糕，笼仔马蹄章鱼肉饼饭，翡翠墨鱼酿烧卖， 烧汁墨鱼酿茄子。一黎系笼仔马蹄章鱼肉饼饭，用荷叶包住， 本身以为珍珠鸡嘅份量咁大，点知原来系大左成倍， $40都唔使。肉饼成吋厚， 肉饼既厚实配上马蹄既爽口， 加上章鱼既香味， 两个都食得津津有味。比起肉饼，我更加钟意佢嘅饭，丝苗米先做到粒粒分明，仲有少少硬性， 唔会煮得太淋， 配埋蒸饭鼓油， 呢样先系蒸饭既精髓。然后就到叉烧肠粉，肠粉够滑够薄，叉烧馅够料， 冇几秒就食哂。虾饺都ok.再黎烧汁墨鱼滑配茄子， 呢道菜比较和风， 烧汁既甜味， 更加能提升茄子鲜味， 木鱼丝同烧汁
今日同男友探朋友前经过呢间主打点心既餐厅，入面坐满客人， 咁岩想饮茶， 就入去食埋个晏。
两点几一入门口， 店内人头涌涌， 坐满九成，但老板娘都马上为我地安排好位置， 姐姐都好快问我地咩茶底， 我地拣左香片，转个头就送到。
餐牌菜式价钱相宜， 甚至比酒楼平少少。比较特别嘅系，餐厅除咗传统中式点心，仲有啲新派fusion小食， 力求创新既我哋拣咗叉烧肠，虾饺王，蔗糖马拉糕，笼仔马蹄章鱼肉饼饭，翡翠墨鱼酿烧卖， 烧汁墨鱼酿茄子。
一黎系笼仔马蹄章鱼肉饼饭，用荷叶包住， 本身以为珍珠鸡嘅份量咁大，点知原来系大左成倍， $40都唔使。
肉饼成吋厚， 肉饼既厚实配上马蹄既爽口， 加上章鱼既香味， 两个都食得津津有味。
比起肉饼，我更加钟意佢嘅饭，丝苗米先做到粒粒分明，仲有少少硬性， 唔会煮得太淋， 配埋蒸饭鼓油， 呢样先系蒸饭既精髓。
然后就到叉烧肠粉，肠粉够滑够薄，叉烧馅够料， 冇几秒就食哂。虾饺都ok.
再黎烧汁墨鱼滑配茄子， 呢道菜比较和风， 烧汁既甜味， 更加能提升茄子鲜味， 木鱼丝同烧汁亦跟茄子既质感非常搭配， 再加上墨鱼滑，呢个fusion 菜我会比十分。
然后到翡翠墨鱼滑烧卖，食落好似成旧都系墨鱼滑， 比起纯用猪肉更弹牙， 原来墨鱼滑做烧卖都唔错。
最后系到马拉糕，本身都八成饱， 加上对呢道菜冇咩期望，以为都系平时既马拉糕味， 食完之后有d 惊喜， 一来冇某d 酒楼咁蒸到好油， 二来既有好香蔗糖味， 比其他既马拉糕特别唔同， 最尾极饱既情况下都清左成笼。
食到饱饱足足离开， 特别欣赏间铺头都好有人情味， 开始落单个时我有d 唔明既菜式老板娘都会详细解释， 又会有推介小食， 同埋都好有礼貌，帮我地不时打拾枱面， 个日有很好既用餐经验。
张贴
