津津食家

营业中

休息中

今次唔去拍拖，同个老死两个麻甩佬去大排档。两条友谂住打波前食D好嘢之后先去打波，喺火炭附近book左场，所以就去咗呢一间津津食。老实讲两个麻甩佬去食嘢，环境卫生都唔系考虑之一，味道同食得饱唔饱先系重要。所以喺呢一间大排档里边，环境方面都唔使评论，只能说是大排档的风味。卫生方面，我觉得都是可以接受的。不过在街边食嘢真是有一番风味，所以都系值得推介。食物方面，我哋叫咗一只乳鸽，鱼片煲菜，同埋椒盐九肚鱼，系好麻甩嘅选择。唔讲佢哋嘅招牌送乳鸽，我觉得乳鸽炸得好好，香脆得来唔算太油腻，也没有盖过乳鸽本身嘅肉味。系呢一度食嘢必食之选。椒盐九肚鱼，我觉得炸得都好好味，咸到适中，配喼汁，送饭一流。而最后鱼片菜，系因为我哋食得太多肥腻野减少罪恶咁而叫嘅，同一般嘅鱼片菜味道差唔多，冇乜特别。总结如果对环境，卫生冇乜要求，津津都系值得推介嘅，希望佢嘅食物水平能够保持水准。