影片
更多
2008-11-19
16 浏览
再一次同好友食家"乜都放入窿"四围揾食, 本来一至决定去老尖食卡巴, 皆因好友食家"乜都放入窿"话呢间野好正, 介绍师傅一定要试, 可惜去到高朋满座, 想揾个位坐下都冇, 唯有转场, 由于好友食家"乜都放入窿"一早已经做好两手准备, 而后备正正系呢间食店!入到去竟然唔算多人, 地方光猛干净, 一坐底梗系要睇下有咩好食啦, 睇左好耐发觉样样都好吸引, 样样都想食, 谂左好耐, 最后师傅都系拣左个贵d嘅葱盐烧黑毛和牛牛肋骨饭定食, 而好友食家"乜都放入窿"就柯打左火烧蓝鳍吞拿赤身饭定食!边闲谈边等, 好快就有得食! 先讲下师傅嘅葱盐烧黑毛和牛牛肋骨饭定食, 定食有面豉汤, 沙律, 蒸蛋同前菜; 抢先试下啖汤, 面豉汤味道唔会过浓过咸, 味道唔错; 而前菜就有茄子, 味道可以, 不过不失; 沙律就系菜丝沙律, 入口清爽开胃, 一流; 蒸蛋就非常滑身, 唔使点咬已经可以吞得, 正呀; 至于主菜葱盐烧黑毛和牛牛肋骨饭, 葱花确实非常多, 黑毛和牛牛肋骨嘅件数唔算好多, 不过佢又抵死到送饭啱啱好, 黑毛和牛牛肋骨肉身够松够香, 确实美味, 正呀; 而好友食家"乜都放入窿"嘅火烧蓝鳍吞拿师傅亦有幸一
入到去竟然唔算多人, 地方光猛干净, 一坐底梗系要睇下有咩好食啦, 睇左好耐发觉样样都好吸引, 样样都想食, 谂左好耐, 最后师傅都系拣左个贵d嘅葱盐烧黑毛和牛牛肋骨饭定食, 而好友食家"乜都放入窿"就柯打左火烧蓝鳍吞拿赤身饭定食!
边闲谈边等, 好快就有得食! 先讲下师傅嘅葱盐烧黑毛和牛牛肋骨饭定食, 定食有面豉汤, 沙律, 蒸蛋同前菜; 抢先试下啖汤, 面豉汤味道唔会过浓过咸, 味道唔错; 而前菜就有茄子, 味道可以, 不过不失; 沙律就系菜丝沙律, 入口清爽开胃, 一流; 蒸蛋就非常滑身, 唔使点咬已经可以吞得, 正呀; 至于主菜葱盐烧黑毛和牛牛肋骨饭, 葱花确实非常多, 黑毛和牛牛肋骨嘅件数唔算好多, 不过佢又抵死到送饭啱啱好, 黑毛和牛牛肋骨肉身够松够香, 确实美味, 正呀; 而好友食家"乜都放入窿"嘅火烧蓝鳍吞拿师傅亦有幸一试, 发觉味道够鲜, 肉身唔会烧得过火, 系有少少腥啦, 但整体尚算唔错!
总括黎讲食物质素出色, 环境舒服加上服务殷勤有礼, 而价钱并算合理, 师傅拣左个贵嘅要成百五蚊, 而好友食家𠮶个就系九十八, 可以接受; 师傅食日式定食都唔少, 但真系冇咩边间好似呢间咁正, 所以一定有下次, 因为师傅仲有好多野想试, 笑脸一定要比啦, 点走得甩呢?
是次好彩有好友食家"乜都放入窿"嘅两手准备, 否则都未必食到咁正嘅食物!
张贴
