定食 Doraya (已搬遷) 新店位置

入到店, 裝潢好有日本風味, 但環境比想像中窄, 枱與枱好迫; 點左一個藍鰭吞拿魚飯同黑毛豚肉火鍋藍鰭吞拿魚飯先到, 有前菜, 蒸蛋, 面豉湯, 同藍鰭吞拿魚飯; 蒸蛋又熱又滑;面豉湯清新可口; 藍鰭吞拿份量好多, 有4大塊藍鰭吞拿再加一堆藍鰭吞拿肉碎, 藍鰭吞拿肥美, 油脂分佈均衡, 入口即溶, yummy yummy!黑毛豚肉火鍋好colourful, 有豆腐, 姑類, 西洋菜, 金姑, 黑毛豚肉有5塊, 份量就少左d, 不過煮熟左後有好腍, 肉質亦都好爽, 湯底清甜, 唔肥; 個日本籍服務員好細心, 係旁邊教我地煮幾耐, 又建議我地叫雜炊我地叫左雜炊, 白飯+蛋, 個日本籍服務員幫我地慢慢煮, 服務好貼心, 再加上旁邊又係有日本人係度食緊, 我覺得自己好似去左日本咁!雜炊一煮起, 熱呼呼, 好暖胃, 亦都飽肚; 始終個火鍋太細, 食埋個雜炊就剛剛好, 不過如果係大食既男士, 連埋個雜炊都可能未必夠overall, 味道, 服務有好高水準, 好有日本feel!

想試Doraya其實都有一段時間，終於有機會。平時在出面已經有好多機會食赤身同拖羅，所以今次點了一個中價位有特色的漁師風吞拿魚飯定食，連先付，漬物，味噌湯，蒸蛋與水果(西瓜)。甚麼叫漁師風? 即係漁民的食法，唔會係矜貴的部份但最有風味。在吞拿魚上鋪上切碎的鰹節，加上蔥花與芝麻，配上味道濃厚的醬油漬吞拿魚，超正，留下深刻印象。現今的本鮪賣到咁貴，多數捉上船就放血急凍，都唔知有幾多漁師真係會整醬油漬了。其實有時食鮪魚唔係一定要下下拖羅先好食，前人的料理方法反而帶出另一種獨特風味。

今次係我第一次試這間已經開左一段時間, 位於尖沙咀地鐵站附近既魚生飯店, 男朋友其實已經講左幾次好食, 但一直都唔多信. 因為都冇聽過個名. 不過今日真係再唸唔到食咩好, 就即管試試啦~ 佢叫左一個甜蝦飯, 睇相真係唔多吸引, 點知黎到既時候我先見到, 原來佢將好多好多既甜蝦切碎哂, 上面再舖一層雞蛋絲, 粉紅色加上黃色, 好精彩~ 仲好好味呀!!而我就叫左個海膽三文魚油金魚飯, 冇唸過海膽會咁大塊, 冇錯係可以用一塊一塊黎形容, 平時食既海膽多數都係一折手指尾都冇, 但這裡既海膽, 一塊有一折手指功咁大~~~ 好開心, 下次我一定會叫 $150 全海膽果碗黎試試, 除左係東京之外, 真係冇試過食到咁大既海膽~! 讚呀!!

喜歡吞拿魚的，沒可能未嚐過Doraya。藍鰭吞拿魚大腩片飯定食 $220漂亮的粉紅色，腩片厚身肥美，魚味濃郁，油脂豐腴，入口即溶，必吃之選。特選藍鰭吞拿魚片定食 $138赤身位置亦鮮甜味美，新鮮爽口，不錯。吃完之後，超滿足的感覺。

香港要找吃日本刺身飯, 不得不提這家DORAYA.這家定食專門店是專門做各式各樣的刺身飯, 當中尤以吞拿魚最出色. 記得第一次來這家吃過它的吞拿魚飯, 那種入口即溶軟綿綿的感覺至今仍津津樂道.這天中午時份經過, 看看餐牌心癮又起, 便步下樓梯走進地庫了....對於第一次去的人, 其實不太好找,因為它是座落在地庫, 門面也不太大.但走進餐廳又完全感覺不一樣. 格局很有和式味道, 甚至某些侍應也是日本人來的.上次吃了吞拿魚, 雖然十分好吃, 但這次好想次次它其他刺身, 所以點了個海膽三文魚子三文魚飯.海膽,三文魚子, 三文魚三色刺身定食 ($138)定食有包前菜,漬物,茶碗蒸及味噌湯.茶碗蒸有雞肉, 魚蛋片, 蛋也算滑. 漬物的漬蘿蔔有點苦.看樣子海膽有點帶'漿'狀....心有點一沉....但它跟三文魚子份量都很多. 先吃海膽, 比想像中好呢, 入口甘甜鮮美, 味道也是十分濃郁, 沒有失望.三文魚子每粒也是卜卜脆, 很鮮不會咸.唯獨是飯粒比較硬, 雖是用珍珠米但味道始終是跟日本吃到的米飯有差距.三文魚有6小片, 不是很厚. 不算肥美, 普普通通的貨色.另一半不太吃刺身的,所以點了個天婦羅烏

跟朋友相約, 在尖沙咀不知道吃什麼才好. 路過此日本餐廳~ 又不用等位. 於是直接入座~叫了一個藍鰭吞拿魚腩蓉飯定食, 吞拿魚腩入口即融!溫暖的白飯再加上吞拿魚腩蓉, 真的一絕!一下子就把成碗飯吃掉了!環境比較差~ 因為太迫~ 如果枱與枱之間可以多一點空位就好~!服務要讚好~因為上錯了定食, 侍應馬上更換而且不停道歉!! (是日本人咧~)還是會再去的餐廳!

久聞樓梯響, 但一路夾唔岩時間是日老死生日, 兩個大鄉里睇完戲後決定食餐好,大約6點半到達, 唔洗等位一坐低就由我拍板, 暮名而來當然點吞拿老死點左客藍鰭吞拿魚大腩片壽司飯定食(HK$220)而我就點左客藍鰭吞拿魚配腩蓉定食(HK$185), 怕唔飽所以加大(HK$45), 再點左客吉烈豬扒(HK$86)打底撻左一片黎食, 入口即融無筋, 此刻無價。。。後來老死話有兩片有筋 雖然有小小筋, 但入口即融以及果陣吞拿餘香, 佢十分滿意!一啖刺生, 一啖魚蓉撈飯, 百感交雜就是這種!最後為打底而叫既吉烈豬扒無想像中鬆化, 但已十分對辦, 又其實兩個麻甩佬加大左個定食都已經夠飽.總括黎講呢餐飯十分GOOD, 不過場內環境台同台都幾密, 其實都幾迫, 幸好黎得早, 可以舒舒服服吹陣水

同女朋友6點幾黎到, 唔洗等位預先已經上網睇定有咩好食, 所以我地好快都已經決定好食咩我叫左藍鰭吞拿魚壽司飯定食,女朋友唔鍾意食魚生飯, 所以叫左盬燒靖魚飯定食我覺得兩個定食嘅味道都好好主菜水準非常高, D配菜都好開胃不過分量就好少..我已經+ 30蚊加大左個定食不過食完都係唔夠飽, 最後要叫多個餃子(不過味道一般過一般, 唔推介)呢樣野係最大敗筆, 同埋D侍應唔識+茶, 要扣分整體黎講我覺得食物味道幾好, 環境幾舒服不過份量同服務都有進步空間

之前都食過呢度的定食，好味道。所以今次帶D 朋友仔嚟試下！今天一行三人, 大約七點鐘左右到達，不算太多人，等了十分鐘左右便有位。店員服務都唔錯，地方也很乾淨。But 最重要的是食物的質素，我們點了三色剌身飯是不錯，但還是 ＂吞拿魚腩蓉飯定食＂$108 最好味 , 必點之選有好鮮甜的味道，再加上暖暖的日本飯，完全帶出了吞拿魚的鮮味，好味........而且也很飽肚，大食D 都唔怕。另跟＂日式蒸蛋（夠味也很滑）、味憎湯等等。總括今天的晚飯，朋友們也很滿意，值得再食，價錢也合理，可以推介

我知我已經至少有年幾無幫趁過, 我亦知呢年幾食材加價得好厲害.食材加價唔緊要, 我地明架. 一個餐以前賣$98, 啲魚舖滿成個碗, 而家食材漲價, 你依然賣$98, 但你將貨就價, 你果$98就只係大碗白飯, 有咩用呀???? 我寧願你加到$140個餐, 你門口有放餐牌架嘛, 我嫌貴就唔會入黎架啦, 我入得黎就預咗俾錢, 你俾番啲似樣份量既食物啦.今晚食咗個藍鰭吞拿魚小銀魚套餐, 個餐黎到, 一睇碗飯, 直情唔敢相信自己對眼, 藍鰭吞拿魚只集中在碗中央, 就係相中見到果幾粒(幾粒當中仲有部份係三文魚子, 唔係全部都係吞拿魚) . 定一定神, 諗住啲魚可能藏在飯下面啫, 用筷子挑開.................唔係下化??? 魚, 就係得碗中間果十粒???!!!成餐飯, 如果唔係多得仲有幾塊漬物同一執仔甜菜, 成大碗飯真係唔知用乜送晒落肚. 味道, 因為份量太少, 真係食唔出咩味道.你唔掂, 你加價啦. 我果一舊水拎去食壽司, 我食到既魚, 肯定多過你唔知幾多倍啦.你唔掂, 加價啦, 你當我係LU LU, 我就唔返轉頭架啦!!!

- -這 是 一 個 上 年 十 二 月 的 食 評 補 寫 - -2010年的12月25日, 楓公主跟男朋友的第一天聖誕假期, 我們一早就訂好HARRY POTTER 7-PART1 的戲票, 欣賞完這套由初中時期開始追看的電影, 在利時買到我的心愛皮褸後, 我們走出加連威老道及吃過YOGURT後, 便開始找尋晚餐落腳點, 平安夜與大伙好友吃過OUTBACK, 所以沒有想吃西餐的念頭, 我們向彌敦道方向走上金馬倫道, 見到「便當」! ;站在樓梯前的餐牌, 我忍不住了, 就提議男朋友往便當進發~吃我心愛的海膽魚子丼在聖誕佳節, 配合緻愛的好心情, 好胃口及充裕時間, 已經是我們這頓豐富晚飯的好STARTER, 並為這個浪漫假期拉起序幕。我們往樓梯向地庫步下, 被安排坐在靠牆的二人枱, 這是我們第二或三次幫襯, 都見過有不少日本人在進食呢。細看餐牌, 本人不太愛TUNA, 所以便指定了 海膽魚子丼定食 ($170), 定食包一系列便當東西, 如: 麵豉湯, 蒸旦, 漬物, 但好像沒有沙律.男朋友選了三文魚魚子定食, 好一個三文魚親子丼 ($150), 其他配食跟我的一樣。食物來了, 麵豉

火燒藍鰭吞拿赤身飯定食 $98食物未送到台上前先想像火燒藍鰭吞拿魚會是紅色帶少許燒熟後似豬肉的顏色結果是顏色方面的確十分似豬肉的顏色但吞拿魚入口非常油滑，千萬不要被油滑嚇到，其實是魚的質感一點也不覺油膩只是魚肉軟滑不“HAI”，絶對值得推介之一藍鰭吞拿魚扒飯定食 $98另一款是魚扒，魚塊切得稍為厚身但加添入口的口感，更感豐潤我個人較喜歡這款魚扒至於兩款皆配白飯底，白飯是軟糯的日本米口感，最得我歡心前菜、蒸蛋,芒果甜品前菜不怎吸引，是將馬鈴薯薯蓉與甘荀及青瓜片混合但味道清新蒸蛋論滑程度未算高分，但放在一個細小的器皿內來看，材料尚算豐富清酒櫃喜歡這個清酒櫃，內放著的似都是客人留下一瓶瓶未喝完的清酒令我感覺有種親切

我地一行4人嚟試吓，我哋其中3個先到，原本有個friend話未必到，所以我開頭話比個侍應聽我地得三個人，佢叫我等等，我就坐低等啦，然後有4個日本人嚟到話比佢哋聽4個，佢哋竟然快過我哋有位坐囉，佢地得二人同四人檯，無三人檯，如果我哋要坐都係坐四人檯，但係竟然比人哋先！！我第一個感覺就覺得唔好，即時對呢間餐廳打折扣！然後我哋見到有兩張檯都無人坐，門口得我地同令外三個女人(剛剛到的)係度等緊，我哋又再問佢佢就好唔禮貌咁話你幾多個呀??我個friend就話我哋三個到齊啦，隨時入得！！然後佢地先被位我哋～～～我地叫左3個餐，原本我好有心情架，比個女侍應整一整，就無咩心情食！我本來想食粒粒魚生飯，但係有覺得嚟呢度係因為吞拿魚wor,因此我都係選擇左吞拿魚扒定食～我個人覺得唔錯，都幾鮮味，但係我朋友試左小小就覺得麻麻，佢地就好唔鍾意呢度d飯，我又覺得幾好食wor，個朋友就叫左個三文魚三文魚子定食，佢話ok,我要講個蒸蛋，好好味好靚～～最後原本話嚟唔到果個friend都嚟左，佢order左個和牛定食，好好味，肉好淋，但係佢都係話d飯好差，好似自己煮果d，我又唔覺得差wor~~但係我嘅批評係好想佢哋改變

今晚在尖沙咀行街,經過這間openrice咁多人話好味的定食,咪去試下囉,好彩冇買到戰利品,d位太窄了,不過我唔會覺得奇,因為價錢唔算貴.食物都ok的,但一定唔好叫佢的火煱,真係未見過d豚肉可以肥到一件都食不落口的,後來先發現原來係自己做咗豬仔,全場都唔覺有人食囉後來記得自己未食感冒藥,咁咪叫佢哋比杯水或茶啦,但叫了三個waitress,一個都唔理我(佢哋係聽到的呀,莫非叫咗埋單就冇水飲?),,早知我唔比錢住啦,等佢比咗我先,真係今晚做咗豬仔呀

這是是冒名而來的, 因為一直想試, 卻沒有合適的時間。當時6點多, 沒有什麼人, 很多空位。自己要了吞拿魚蓉飯SET, 有麵豉湯, 蒸蛋, 漬物等。吞拿魚蓉飯的飯是暖的, 十分不合我心水。我想要的是壽司醋飯, 但是DORAYA 的卻只有淡淡淡淡的醋味而已。吞拿魚蓉被男友形容為很像肉餅。碎碎的魚蓉, 吃不出新鮮味美。可惜。如果有下次, 我應該會試一試魚生飯定食。