八哥主題餐廳 (已結業)

好朋友系台湾返左黎，一于同佢去八哥餐厅怀缅下Beegoo。系楼下问职员有无时，她好好咁带埋我地行同一齐上楼。平日既晚上8点，可以walk-in就有位。因为朋友有bb车同需要high chair，职员好好咁帮我地立即安排座位同安置bb车。一入餐厅，就会见到好多有八哥既饰物。无论餐具，墙上既画，同埋decor，cushion等等，真系好适合八哥迷必到，所有野都好用心。食野先: 我地叫左黑松露薯条先，田园沙律配黑醋，白酒青口，朱古力沙冰，香煎三文鱼扒，同埋香辣蕃茄大虾海鲜意粉。小食沙律类好快就上到台，之后就好有次序咁上饮品，意粉同三文鱼扒。每样食物上台时都够热同新鲜。最后埋单时职员仲有主动同我地讲消费满$500有8折。今次系我食过既动物主题餐厅最有服务，好态度同好食既一餐!