八居酒屋 (旺角新城)

营业中

休息中

餐厅：八居酒屋地点：旺角弥敦道菜式：日本菜餐牌：午市有多款套餐，有生有熟食，一共20款，包茶碗蒸，味噌汤同甜品。仲可以追加刺身，小食，饮品同甜品。用手机落单。小贝柱海胆拖罗蓉丼 $148 另加一小贝柱海胆拖罗蓉丼睇落的的骰骰，其实份量唔少。海胆4/5片，食落又鲜又甜又唔腥，正！小贝柱6粒，质素都唔错。下面就系一底拖罗蓉，好滑溜，加上葱花同黑白芝麻粒，味道唔错。醋饭酸度同甜度适中，份量唔少，有一大碗，够饱肚。伴有日式芥末同少量酸姜片。跟餐居然有沙律，系杂菜沙律加车厘茄，简单用胡麻酱调味，食材新鲜。茶碗蒸好滑溜，入面有菇，蟹柳，同鸡肉，清淡得黎好味。味噌汤入面有昆布同豆腐干，味道刚好。甜品系雪糕一杯，我拣左开心果味，食落香滑美味，细细杯唔会腻。其他味仲有朱古力，绿茶，同云呢拿等。白身鱼厚切刺身两切 $38 另加一加左个刺身，白身鱼厚切刺身果然好厚切，食落肥美鱼鲜。日本桃汁 $32 另加一日本桃汁用玻璃杯装，加上冰，好香桃味，好好饮，味道唔假。总括而言，个餐食物质素唔错，而且好丰富，喺旺角想食日本野可以试吓。