八方台式麵屋 (太古城中心) (已結業)

八方云集就食过好多次，但系第一次见到呢间餐厅，系有埋台式面，同埋台式饭可以选择。餐厅位于诚品书店入边嘅美食广场，位置唔多。但系非常之适合一啲去行诚品书店，然后肚饿嘅人，又或者去太古城行街想揾台式餐厅食嘢嘅人去一尝呢间餐厅。佢嘅饺子选择唔八方云集咁多，但系份量取胜。佢嘅套餐份量都几多，而且任君配搭，所以可以拣自己钟意食嘅嘢，而且加少少钱就有小菜，就好似我加咗个盐酥鸡咁，最适合我呢啲钟意食唔同款式嘅人！