八方庭

营业中

休息中

今日同男朋友一家食饭，见到呢间装修几好既酒楼，箱房仲系古式装修，岩晒见长辈！叉烧拼烧腩仔💮叉烧同烧腩仔都系酒楼会好经常食到嘅烧味，呢度整得都合格有余，叉烧既肉质松软多汁，烧汁香甜而美味，完系㶶边既，够晒焦甜，仲有啲肥肉，真系半肥瘦既最靓叉烧；烧腩仔就做到脂肪瘦肉层层相间，肉质松化，软腍无渣，唔会太咸，外皮脆到卜卜声，不得了！莲藕煎肉饼🅰️肉饼用嘅猪肉都系一半肥一半瘦先系最好，味道唔会太咸，咸得来有猪肉本身嘅甘甜，再加埋莲藕嘅清甜，煎完出嚟好咸香，口感亦都系又爽又脆又腍，几重层次！八方庭小炒皇♨️小炒皇嘅用料都几丰富，海鲜方面有虾干鱿鱼鲜虾依啲，全部都炒得好好，成碟都系海鲜应有嘅咸香，最钟意食啲虾干，够晒大只又烟韧，愈咬愈出味！上汤澳洲大龙虾💯成晚最贵嘅一个菜式，但系真系好值得，因为龙虾真系好大只，好多肉，仲要拆晒啲肉，完全系啖啖肉咁食，唔会有死咸味。反而有龙虾嘅鲜甜，再吸收埋啲上汤，同乌冬一齐食，又饱又满足！