青葉海鮮酒家 (新山道)

营业中

休息中

未必系同区同级最平，但系物有所值。冬瓜盅冇味精，盐要自己加可以控制咸度⋯ 结果我一粒盐都冇加，因为佢啲金华火腿都已比够咸味。啖汤清甜到不得了，冬瓜肉又霖，又入味。一个瓜盅可以出十碗，我两个人饮左六碗，肚都胀；剩返𠮶啲唔舍得，都要打包拎走。奄仔蟹唔知道系本湾、定系菲律宾，我估系后者。四五两重，膏多、肉质清甜，正。话梅猪手，肉滑又入味，唔系间间店都食到。豉油王炒面湿咗啲，但系个面喺靓货，豉油王都够香，下次落单试吓叫佢吹番干身啲先炒，唔知会唔会理我？送饭后红绿豆沙各一碗，红豆沙好味D。餐牌写咗陈皮红豆沙，但系唔觉有陈皮味。餐牌冇写绿豆沙，而佢肯定冇臭草味。