影片
更多
2021-03-28
1288 浏览
东大街一向都系多美食嘅地方，某日行过见到门口个餐牌啲相都几靓😍，男朋友又钟意食日式食物，所以就入去试吓。店内环境都几日式，灯光比较暗，但睇得出有设计同布置过，都舒服嘅。🪣 一桶厚烧鳗鱼玉子饭 $198呢个饭系二人前，一上到枱我哋真系「哗」咗出声😲，因为系超级大份。店家即叫即制，所以热辣辣连埋啲蒸气送上嚟。木桶表面铺满咗葱花同鳗鱼，每一旧都系超肥美，差唔多都有7-8旧。每一件都涂满烧汁闪令令✨，睇落就好有食欲。鳗鱼真系几厚肉，有弹性而且入味，因为我本人唔太钟意鱼类🐟，但呢个鳗鱼真系算系非常不错。入面嘅玉子唔系全熟，系半熟状态嘅蛋，好多蛋液🥚流喺饭上面。甜甜地嘅鳗鱼，配埋蛋汁捞饭，一个字，正。就咁睇相未必睇到个木桶有几深，但系入面真系超级多饭🍚，我哋觉得呢个餐应该要3个大食女仔或者2个大食男仔先食得晒。我呢啲眼阔肚窄嘅就真系清唔到几多，最后都食剩咗啲饭。不过无可厚非，食到最后真系会觉得单调同埋腻。整体觉得木桶饭都几特别嘅，鳗鱼值得一试。👅评分：8/10🧉 冰糖红枣雪梨茶 & 柠檬蜜 (热) 各+$8 (套餐价)热柠蜜就普通无咩特别，反而杯雪梨蜜就值得一提。我叫咗少甜，出到嚟清清地，唔会好甜
🪣 一桶厚烧鳗鱼玉子饭 $198
呢个饭系二人前，一上到枱我哋真系「哗」咗出声😲，因为系超级大份。店家即叫即制，所以热辣辣连埋啲蒸气送上嚟。木桶表面铺满咗葱花同鳗鱼，每一旧都系超肥美，差唔多都有7-8旧。每一件都涂满烧汁闪令令✨，睇落就好有食欲。鳗鱼真系几厚肉，有弹性而且入味，因为我本人唔太钟意鱼类🐟，但呢个鳗鱼真系算系非常不错。入面嘅玉子唔系全熟，系半熟状态嘅蛋，好多蛋液🥚流喺饭上面。甜甜地嘅鳗鱼，配埋蛋汁捞饭，一个字，正。就咁睇相未必睇到个木桶有几深，但系入面真系超级多饭🍚，我哋觉得呢个餐应该要3个大食女仔或者2个大食男仔先食得晒。我呢啲眼阔肚窄嘅就真系清唔到几多，最后都食剩咗啲饭。不过无可厚非，食到最后真系会觉得单调同埋腻。整体觉得木桶饭都几特别嘅，鳗鱼值得一试。
👅评分：8/10
一桶厚烧鳗鱼玉子饭
$198
100 浏览
0 赞好
0 留言
🧉 冰糖红枣雪梨茶 & 柠檬蜜 (热) 各+$8 (套餐价)
热柠蜜就普通无咩特别，反而杯雪梨蜜就值得一提。我叫咗少甜，出到嚟清清地，唔会好甜，可以中和到个鳗鱼饭嘅腻。而且入面啲雪梨块好好味，甜甜地又入味又软淋淋，好好食。
👅评分：8/10
张贴
