八章軍 (啟岸) (已結業)

听讲过启岸呢条日本街好耐，自上次食完串烧店后都无再黎过，朋友潮童话有间章鱼丸子好好食，咁就去试吓。条日本街真系几有风味，仲要有好多日本风文青咖啡店、拉面店、小食店等等，系红磡黎讲，都几有特色。五点几黎到，好彩无乜人排队，点了个双拼章鱼丸，食完当自己去左日本。众多口味中，店方推荐有原味、蜜糖芥茉、明太子，我选了明太子，又真系几好，唔会系好浓味嘅明太子酱，食完唔会太饱。其他仲有好多只味都几吸引，芝士粟米青葱我都想食，我点了黑松露章军，黑松露味好香，入味嘅章鱼肉劲大粒，而且个软硬度好烟韧，又唔系太大粒，有机会嚟红磡扫下街就可以试下。