樂天皇朝 (東薈城名店倉)

营业中

休息中

今晚来东涌东荟城食晚餐，听朋友讲呢间小笼包好出名，装潢以金色为主调，座位宽敞，餐牌选择都几多，主要以中式点心同上海小菜为主。前菜：花生炆栗子🌰花生同栗子炆到好淋，酱汁有少少甜味，好上瘾😍特色皇朝小笼包 （八色）😝皇牌必食，有八款口味，仲提供建议食法，由淡至浓味。原味比较正宗，可以食到小笼包嘅原汁原味，外皮非常薄，一咬就会爆汁，肉汁好鲜味；丝瓜味道比较清新，口感亦比较滑溜；鹅肝味道带少少鹅肝香味，但唔会有鹅肝嘅油腻感；黑松露咬开已经见到有黑松露粒，食落有黑松露香；芝士味比较淡芝士味，如果可以有芝士流心效果会更好；蟹粉味道几鲜味，不过食唔到有蟹肉，如果可以加入蟹黄会更香更浓；蒜香味蒜味比较浓，盖过咗小笼包嘅鲜味；川味有少少辣都几惹味。萝卜丝酥饼😋外面炸好酥脆，里面萝卜拔丝热辣辣，好软熟。醋酱海蜇头☺️海蜇头爽口弹牙，配上酸酸甜甜嘅醋酱好开胃，份量都几多；喺底仲有青瓜伴碟，爽脆清甜。刀切小馒头（炸）🤩馒头炸到外皮金黄香脆，内里软熟，加埋炼奶果然系绝配。肉碎榄菜干煸四季豆肉碎同榄菜爆得好香，四季豆炒得好爽脆，食落好惹味，送饭一流👍🏻整体来讲，食物质素不错，款式多元化；服务态度友善，上菜速度快；环