劉一手重慶火鍋 (又一城) (已結業)

遲來了的八號波，不過無阻我同家人外出打邊爐🤪出面風大雨大，最好就梗係匿入商場揾食。可能因為打風關係，所以我哋唔洗等位可以直入。食物價錢都唔算太貴，同平時出街打邊爐個價錢都差唔多喎！湯底我哋叫咗鴛鴦鍋，分別係麻辣鍋同椰子雞鍋，一嚟到見到麻辣嗰邊有一大片牛油磚浮起，好驚嚇😱不過呢個應該係精髓，可以令成個鍋昇華，辣味唔算重到食唔到，對我來說剛好，亦帶有麻香，放啲寬粉索晒啲湯，超正！另一邊嘅椰子雞湯都好正，有椰子味，雞都算滑，湯底好好飲，我係咁飲😙其他火鍋配料都唔錯，我覺得最好味係雲吞同皇帝菜，另外午餐肉都係必食，同麻辣湯出奇地夾！服務就正常啦，不過喺唔太full之下都有漏單都送出食物情況，需要改善吓。