影片
更多
2014-06-16
7768 浏览
每月一次嘅细胞小组活动，人人负责一次，一年里边永无走鸡。今期唔喺小弟负责，不过，负责人忙爆，迆搞场饭局嚟交差，大家都明，反正边食边倾偈，志在一聚，搞乜都只喺个形式。地点由负责人话事，拣咗大家都方便搭车嘅又一城八月花，点菜亦由他人负责，小弟依时出席乐得轻松 。八月花喺美心集团中几出名嘅品牌，专做中高档粤菜，装潢比较新派，一室嫣红，富中国色彩，楼底又够高，空间感十足。而此店一向好旺，今晚亦然，坐无虚席 。晌美心嘅粤菜餐厅，其实唔单止环境雅致，就连啲餐具都份外用心。 餐前小食 $16咸脆花生搭咸酸菜，感觉较潮州嘢，花生脆卜卜，咸酸菜又唔无过咸。晌等人期间，止牙痕嘅至佳小食，我哋7个人收两碟钱。此外，茗茶收$12位，可拣普洱、香片、铁观音，另备有其他靓茶叶，但贵之余兼逐位计。 双鲜烩南瓜 $118 今次头盘无叫，一嚟就喺个「海鲜」菜式 - 双鲜烩南瓜。双鲜即喺虾同带子，前者又大只，又爽甜，而后者软腍味鲜。加入埋南瓜粒、红椒粒、西芹度，并以豆豉一齐爆炒，味道惹味 。 嫩煎黑豚卷 $88再嚟就喺「家禽‧肉类」，选了两款，一道猪肉，一道牛肉。嫩煎黑豚卷个卖相就差啲，其实喺金菇肥牛嘅黑
八月花喺美心集团中几出名嘅品牌，专做中高档粤菜，装潢比较新派，一室嫣红，富中国色彩，楼底又够高，空间感十足。而此店一向好旺，今晚亦然，坐无虚席 。
晌美心嘅粤菜餐厅，其实唔单止环境雅致，就连啲餐具都份外用心。
餐前小食 $16咸脆花生搭咸酸菜，感觉较潮州嘢，花生脆卜卜，咸酸菜又唔无过咸。晌等人期间，止牙痕嘅至佳小食，我哋7个人收两碟钱。此外，茗茶收$12位，可拣普洱、香片、铁观音，另备有其他靓茶叶，但贵之余兼逐位计。
双鲜烩南瓜 $118 今次头盘无叫，一嚟就喺个「海鲜」菜式 - 双鲜烩南瓜。双鲜即喺虾同带子，前者又大只，又爽甜，而后者软腍味鲜。加入埋南瓜粒、红椒粒、西芹度，并以豆豉一齐爆炒，味道惹味 。
嫩煎黑豚卷 $88再嚟就喺「家禽‧肉类」，选了两款，一道猪肉，一道牛肉。嫩煎黑豚卷个卖相就差啲，其实喺金菇肥牛嘅黑豚版，薄切黑豚肉，唔太肥腻，卷住好多金菇。不过，其实感觉普通啲，如果知佢好似金菇肥牛咁，相信大家未必会点。
虫草花黑椒牛柳丝 $78 近年兴咗食虫草花，晌网上揾揾，就知虫草花含丰富蛋白质、氨基酸、甘露醇……等等唔多识嘅成份，总之就增强人体免疫力同提高人体抗病能力，确实有益嘢唔怕多食。除咗虫草花，仲有牛柳丝、鸡脾菇丝、翠玉瓜丝，整体食味不俗，爽口浓香 。
艳影纱窗 $80 「蔬菜‧豆腐」亦都叫咗两款，一道竹笙，一道豆腐。个艳影纱窗做得几靓，以竹笙作为「纱窗」包裹好多笋丝、菇丝、豆腐丝，切得极幼细，味道淡雅清新 ，犹如高级版腐皮卷。碟嘅两角仲有毛豆、杞子衬托，一红一绿，挺有诗意。
天白花菰红烧豆腐 $78 天白花菰大只而厚肉，所以入口爽滑，而豆腐亦都非常嫩滑，以蚝油红烧炆煮，浓郁入味。可是，份量似乎有啲少啊！
一品砂锅饭 $108 「单尾」嘅选择，拣嚟一个饭，一个萝卜糕。虽然个砂锅饭唔喺好多，但色香味全，首先一送嚟，打开盖已香气扑鼻，饭粒炒得金黄「匀巡」，饭内混有鸭肉丝、带子粒、瑶桂丝，富咬口，味道又丰富 。
中山萝卜蒸盆糕 $58 咪被佢个「木盆」样呃到，其实好细份，因为个糕盆好浅吓 。不过，个蒸萝卜糕实在有料到，萝卜味极之浓郁，质感绵绵又唔削，味道又清甜，而且，糕面劲多瑶桂丝同腊肠粒，口感丰富 。
甜品向来都喺八月花另一卖点，真喺好少中菜馆有咁多甜唔选择，有西式，又有中式，合共有成近20款 ，当中仲有唔少创意、特色，上次就已经试过101鲜果拿破仑 。由于今次唔喺我揸旗，就等各人拣选就好嘞，反正咩甜品我都啱 。
嫲嫲朱古力饼配云呢嗱雪糕 $68 卖相跟足餐牌个模样，无偷工减料，朱古力饼底有啲似班尼士，实质喺巨型美式朱古力曲奇，质感软绵烟韧，浓重嘅朱古力味，又加入杏仁碎 ，如果你钟意Mrs Field啲美式曲奇，依个朱古力饼应该好啱你。加埋5球云呢嗱雪糕，足够5、6个人分，一冻一热嘅感觉，的确美妙 。
吾中吾西炸雪糕配蛋球 $32 一客有两个迷你沙翁，两个炸雪糕球，加少少桂花棉花糖衬托吓，卖相精致立体。因为喺炸雪糕球，当然要食佢先，冰冻嘅云喱嗱雪糕夹著热呼呼嘅泡芙外皮，再次一冻一热嘅美妙感觉，不过，确实溶得非常之快 ；而沙翁做得松软富蛋味，香软兼备 。
八月花嘅菜式，可谓八面玲珑，精巧细致，变通灵活；而今晚，大家食得开心，谈得畅怀，有个圆满美好嘅晚上，用月圆花好嚟形容，都不为过喇 ！
张贴
