影片
更多
2008-11-06
3 浏览
想系公司附近揾间食法国野既, 最后睇到openrice既人写呢间好, 重点系Creme Brulee好味, 所以就拣左呢间!从订位开始, 对方态度都好好, 因为同事有事要攸 , 所以即日再次更改时间都无问题.我自己早到10分钟, 佢张台已经准备好, 放埋牛油上台.d位有少少窄, 不过环境唔错, 装修都好靓, 灯光有d暗, 都算舒适.午餐有3个set:Spaghetti Lunch Set $98 ---可选择: spaghetti, 配料, 汁配: 沙律, 指定甜品&咖啡/茶Lunch Set $88 ---可选择: 汤, 主菜配: 沙律, 指定甜品&咖啡/茶Executive Lunch Set $188 ---可选择: 沙律, 汤, 主菜, 甜品配: Cappucino/Herb Tea/Juice最后我地全部拣Executive Lunch Set, 因为得呢个餐可以食到Creme Brulee! 哈哈!!!一开始食既法国面包已经不负我地所望!外脆内软, 少少暖, d牛油刚刚好, 唔会冻到搽唔到, 亦唔会溶我超细食但都食左一块半面包! ^^"沙律有4款选择, 个名唔同, 但似乎所
从订位开始, 对方态度都好好, 因为同事有事要攸 , 所以即日再次更改时间都无问题.
我自己早到10分钟, 佢张台已经准备好, 放埋牛油上台.
d位有少少窄, 不过环境唔错, 装修都好靓, 灯光有d暗, 都算舒适.
午餐有3个set:
Spaghetti Lunch Set $98 ---
可选择: spaghetti, 配料, 汁
配: 沙律, 指定甜品&咖啡/茶
Lunch Set $88 ---
可选择: 汤, 主菜
配: 沙律, 指定甜品&咖啡/茶
Executive Lunch Set $188 ---
可选择: 沙律, 汤, 主菜, 甜品
配: Cappucino/Herb Tea/Juice
最后我地全部拣Executive Lunch Set, 因为得呢个餐可以食到Creme Brulee! 哈哈!!!
一开始食既法国面包已经不负我地所望!
外脆内软, 少少暖, d牛油刚刚好, 唔会冻到搽唔到, 亦唔会溶
我超细食但都食左一块半面包! ^^"
沙律有4款选择, 个名唔同, 但似乎所有配料一样
例如Caeser Salad with Smoked Salmon同Chicken Salad都系用同一类既沙律菜
不过的确几好味, 份量都唔细
汤有是日餐汤同Shrimp Bisque with Crab Roe (鲜虾蟹籽汤)
我选择后者, 唔会好creamy, 但味道刚好, 而且有蟹籽一粒粒系汤入面, 好得意!
主菜我选择Grilled Rib Beef 6成熟
虽然最终发现应该有7-8成熟, 而且有少少「un」, 不过不过不失, 肉质几新鲜, 配个种汁都好衬
仲有唔少配菜, e.g. 薯条, 红萝卜, 菜
(p.s. 薯条d味好得意, 唔似平时fish & chips个种味, 系重味d既~)
当然到最后「我既主菜」----- CREME BRULEE!!!
细细个既甜品, 2块细细既士多啤梨放中间, 下面就系啡色既焦糖, 一拎黎已经见到好靓!
之后发现个焦糖原来几厚身, 仲系几硬下, 一叉落去碎左d就可以食喇~
哗~真系好好味!
睇得出佢系好用心机个种制法, 即系应该用火枪烧出黎既!
下面既炖蛋一样咁好味, 唔太甜 (因为上面层焦糖已经好甜), 好滑, 我已经饱, 不过成个食晒!
而且佢地既服务态度都好好, 我地total 6个人, 要既野当然唔同, 但佢可以每次拎野食黎都记得晒边个要边样, 而且上餐速度适中, 一食完就即上下一样.
我地不时有同事想要pepper, 佢真系次次都拎支大野黎磨俾我地!
再加佢拎黎既野食, 样样都放得好靓, 有晒design既, 真系有心机!
(当然, 系苏豪区唔有d心机, 应该都做唔长喇... ^^")
唯一缺点就系有d嘈.
可能因为我地坐系其中一个booth位, 隔离张台几个大男人讲野好大声, 同埋lunch hour, 好难要求个个都静静地既... ^^"
总括黎讲的确系唔错, 虽然系贵左d, 但so far系我食咁多间高级餐厅黎讲, 可以俾到95分既!
我一定会再去!!!
张贴
