影片
更多
2021-11-21
2026 浏览
如果唔系公司搞活动我谂我都唔会再自费食buffet，因为自己根本就食唔多嘢，几百蚊我宁愿食得精致啲，太多选择我又唔想，唔食又唔抵。今次公司俾钱食呢一间我未食过㗎，之前评价都系一般般，就睇吓一个唔多食buffet嘅人有咩意见啦。而家折实价每人六百几蚊有生蚝有鹅肝有面包蟹有任食movenpick 听落都似算系咁因为身体状况其实我唔食得生蚝🦪㗎，不过我忍唔到口食咗三只，质素都OK！见到同事食成只面包蟹、大虾🍤同螺，我就觉得太麻烦同埋一向都唔”好”又唔识食。鱼生方面我就觉得选择少咗啲啰，因为我唔食三文鱼，所以净系要咗几片墨鱼同埋北寄背。熟食我试左糯米饭、烧牛肉、即煎鹅肝多士、片皮鸭⋯其实佢仲有好多其他嘅⋯例如咖喱薄饼、海南鸡饭、蛇羹等等。食物嘅质素普通通，不过我将主力放咗喺甜品度，俾佢个movenpick 雪糕吸引住, 总共食咗4球雪糕， 佢仲要加埋我最钟意食嘅人气牛角包窝夫，真系不得了。最吸引系佢嘅甜品，最失望嘅就系生果同埋饮品啦！简直可以话完全冇嘢俾我拣得落手，生果佢竟然成个苹果上，其余都系一啲好普通嘅哈密瓜、菠萝🍍、西瓜🍉, 我至爱嘅草莓🍓杂莓全部都无。饮品更加唔掂，同事拎既果汁甜到漏，
今次公司俾钱食呢一间我未食过㗎，之前评价都系一般般，就睇吓一个唔多食buffet嘅人有咩意见啦。
而家折实价每人六百几蚊有生蚝有鹅肝有面包蟹有任食movenpick 听落都似算系咁
因为身体状况其实我唔食得生蚝🦪㗎，不过我忍唔到口食咗三只，质素都OK！见到同事食成只面包蟹、大虾🍤同螺，我就觉得太麻烦同埋一向都唔”好”又唔识食。
鱼生方面我就觉得选择少咗啲啰，因为我唔食三文鱼，所以净系要咗几片墨鱼同埋北寄背。
熟食我试左糯米饭、烧牛肉、即煎鹅肝多士、片皮鸭⋯其实佢仲有好多其他嘅⋯例如咖喱薄饼、海南鸡饭、蛇羹等等。食物嘅质素普通通，不过我将主力放咗喺甜品度，俾佢个movenpick 雪糕吸引住, 总共食咗4球雪糕， 佢仲要加埋我最钟意食嘅人气牛角包窝夫，真系不得了。
最吸引系佢嘅甜品，最失望嘅就系生果同埋饮品啦！简直可以话完全冇嘢俾我拣得落手，生果佢竟然成个苹果上，其余都系一啲好普通嘅哈密瓜、菠萝🍍、西瓜🍉, 我至爱嘅草莓🍓杂莓全部都无。饮品更加唔掂，同事拎既果汁甜到漏，自斟嘅柠檬茶咖啡奶茶完全冇质素可言啦，我想要杯latte/cappuccino 谂都唔好谂. 话晒都一间酒店丫。
佢有一罐罐嘅汽水俾你拎，但系佢一间酒店㖞唔系出边任饮咁食𠮶啲㖞。😭
虽然俾我哋发现60岁以上长者有八五折优惠（我哋同事堆中有三个）不过都弥补唔到我对佢嘅评价，好彩唔系自己钱😂🤪
又或者咁，系我太过嘴刁姐！
张贴