成記茶寮

营业中

休息中

一早特登入元朗食冬菇亭，食咗其中一间出名食猪扒嘅成记茶寮，之前食过一两次，觉得抵食得嚟味道又唔错，之后几年冇嚟过，今次都冇令我失望，虽然相信都加咗少少价，但系质素冇咩变化，仲见佢似乎做咗少少装修，虽然都系喺公厕隔离，但整体环境感觉比以前好，叫咗个猪扒鸡球饭，加杯冻奶茶，个饭好大碟，一个女仔一定食唔晒，个猪扒依然大大件，煎香左加埋少少肥膏，好香口，味道唔错，几腍但系仲保持都有咬口，个鸡球又系大大件，鸡球同啲饭嘅味道就系靠个豉油，豉油嘅调味调得好，送饭一流，所以个重点就系猪扒同豉油，至于杯冻奶茶，就真系争啲啲，茶味唔够浓，糖水亦都过甜，如果唔系太热，净系叫个饭已经足够，埋单$55，尚算合理。