影片
更多
2014-05-30
527 浏览
试咗法国品牌agnès b. DÉLICES同日本品牌Royce’两款朱古力，都未喺好满足，食友所赠比利时品牌嘅Godiva，又会否带嚟一点点安慰呢？延续朱古力食评「公朱同好」系列第六篇，分享一下Godiva嘅排装朱古力「盐味杏仁牛奶巧克力砖」（Milk Chocolate Salted Almond）。从官网所见，排装朱古力一共有11款口味，例如：海盐黑巧克力砖、杏仁黑巧克力砖、榛果牛奶巧克力砖、香草白巧克力砖、草莓牛奶巧克力砖……等等，31-85%可可浓度，每排净重100g，卖$95；另有一款喺有3排嘅巧克力砖礼盒，卖$295。近日天气开始热，要放入雪柜，所以，食之前最好拎出嚟摊10分钟，效果最理想 。牛奶朱古力入口挺柔滑，虽然标明只有31%可可，但朱古力味一啲唔差。先嚟一朕甜味，跟住慢慢有啲咸味渗出，而且好多杏仁碎，平均铺满成块朱古力，反一反转就睇到杏仁碎有几密！总括嚟讲，可以话集甜咸脆于一身，连老婆都话正 ！食友知小弟好钟意焦糖味，虽然佢话本意想买盐味焦糖牛奶巧克力砖，不过恰巧无货，退而求其次就买咗盐味杏仁牛奶巧克力砖。其实，咩味都无所谓啦，心意吖嘛 ，点可以「盐三盐四」
从官网所见，排装朱古力一共有11款口味，例如：海盐黑巧克力砖、杏仁黑巧克力砖、榛果牛奶巧克力砖、香草白巧克力砖、草莓牛奶巧克力砖……等等，31-85%可可浓度，每排净重100g，卖$95；另有一款喺有3排嘅巧克力砖礼盒，卖$295。
近日天气开始热，要放入雪柜，所以，食之前最好拎出嚟摊10分钟，效果最理想 。牛奶朱古力入口挺柔滑，虽然标明只有31%可可，但朱古力味一啲唔差。先嚟一朕甜味，跟住慢慢有啲咸味渗出，而且好多杏仁碎，平均铺满成块朱古力，反一反转就睇到杏仁碎有几密！总括嚟讲，可以话集甜咸脆于一身，连老婆都话正 ！
食友知小弟好钟意焦糖味，虽然佢话本意想买盐味焦糖牛奶巧克力砖，不过恰巧无货，退而求其次就买咗盐味杏仁牛奶巧克力砖。其实，咩味都无所谓啦，心意吖嘛 ，点可以「盐三盐四」呢？盐味杏仁都已好足够㖞 ！
题外话/补充资料：
因为喺朋友嘅餽赠，所以，环境、服务、卫生、抵食及每人消费各栏，参考价值唔大。
(以上食记乃用户个人意见 , 并不代表OpenRice之观点。)
张贴
