泉章居 (已結業)

泉章居我哋原本7个人去食， 但系我哋叫咗六人餐， 估唔到都好够食。 基本上系食唔晒， 首先要推介嘅系𠮶个腩肉， 个腩肉一啲都唔肥腻，好脆口， 仲有淡淡嘅猪油香， 咬落去非常之有口感。 另外𠮶一碟蒸鸡又系份量超级多， 大家食极都食唔晒， 啲鸡肉都尚算嫩口。 最后我哋都嗌咗个冬瓜汤， 因为大家好肚饿呀净系挂住食， 唔记得咗影相， 但系都系非常好饮。 最后总结嚟讲,, 食物嘅份量同质素都系好好, 个六人餐最后埋单嘅钱大概系2000蚊左右。 我本人觉得都可以试得过。( 可能八个人食都够分 Hahaha)