泰好味 (已結業)

大王整完牙，又加上六合彩既前夕，要同大王妹会合重锤出轚，加上上次无试过，所以就选择黎呢道试试。大王想坐室内，阿姐话要等30分钟，咁就去咗书局睇咗阵书。终于有位，叫咗芝士虾丸, 青咖哩包, 辣椒膏炒蛏子, 烧鸡翼, 龙眼冰同真多冰。芝士虾丸: 平平冇奇, 似虾饼一样，不过就只系多了芝士心。烧鸡翼: 很香，皮烧得很脆，比泰良园好味。辣椒膏炒蛏子: 份量够多，不太辣，够爽口，配菜既洋葱就更加好味!!!泰式炒河: 冇特别。青咖哩包: 我地要咗猪肉，啲味就普通，但用面包点啲咖哩就好夹，好味!龙眼冰: 龙眼少咗啲同太甜，大王唔推介。真多冰: 椰汁味够重, 我就几欢喜。食完再去买六合彩，一定要中………..