影片
更多
2024-09-01
269 浏览
适逢佢哋六周年有好多优惠做紧，我哋两个人都过嚟凑吓热闹。但系佢咁多个同六字有关嘅优惠我哋净系可以玩到其中一个，其他都要多人啲先至可以做。我哋两个人唯一参与到嘅，就系呢个6秒挑战，挑战成功嘅话就会送半份炸鸡。我以为佢送俾你嘅就会马虎求其啊，佢呢份炸鸡都钟意足料㗎。外皮炸到好松脆入面嘅肉都仲好嫩滑，系好标准嘅韩式炸鸡。我哋一坐低，佢已经会帮你张枱铺满晒前菜，最重要嘅系所有前菜都可以无限添，款式数量都好充足。首先喺呢个重点，寿喜烧和牛三筋肉，佢个肉真系好腍，佢呢一个和牛又唔会太油，最重要系职员会帮你烧埋，唔使担心我呢啲手残嘅人毁左嚿靓肉。然后佢仲会跟咗四嚿饭团，同埋四只蛋黄，喺烧嘅时候佢会拎埋旧饭落去碌，然后包到靓靓放喺你面前，再加埋只蛋黄连埋一齐食，真系好香，劲好食。然后我哋仲叫咗个上等牛肋骨，如果担心自己嘅技巧，仍然都可以请职员帮手㗎。职员会好细心咁样帮你剪开几件咁烧。原来佢哋系有技巧㗎，平时我哋都以为个青柠系攞嚟唧啲汁落个肉度，原来佢哋系烧之前会攞个青柠抹一抹烧网，可以令到青柠嘅味道系烧嘅时候渗返入牛肉度，亦都可以令个网冇咁容易黐底。最后佢哋仲系好有心机咁摆到靓靓，呢个牛肋骨佢有少少筋
我哋两个人唯一参与到嘅，就系呢个6秒挑战，挑战成功嘅话就会送半份炸鸡。我以为佢送俾你嘅就会马虎求其啊，佢呢份炸鸡都钟意足料㗎。外皮炸到好松脆入面嘅肉都仲好嫩滑，系好标准嘅韩式炸鸡。
我哋一坐低，佢已经会帮你张枱铺满晒前菜，最重要嘅系所有前菜都可以无限添，款式数量都好充足。
首先喺呢个重点，寿喜烧和牛三筋肉，佢个肉真系好腍，佢呢一个和牛又唔会太油，最重要系职员会帮你烧埋，唔使担心我呢啲手残嘅人毁左嚿靓肉。
然后佢仲会跟咗四嚿饭团，同埋四只蛋黄，喺烧嘅时候佢会拎埋旧饭落去碌，然后包到靓靓放喺你面前，再加埋只蛋黄连埋一齐食，真系好香，劲好食。
然后我哋仲叫咗个上等牛肋骨，如果担心自己嘅技巧，仍然都可以请职员帮手㗎。职员会好细心咁样帮你剪开几件咁烧。原来佢哋系有技巧㗎，平时我哋都以为个青柠系攞嚟唧啲汁落个肉度，原来佢哋系烧之前会攞个青柠抹一抹烧网，可以令到青柠嘅味道系烧嘅时候渗返入牛肉度，亦都可以令个网冇咁容易黐底。
最后佢哋仲系好有心机咁摆到靓靓，呢个牛肋骨佢有少少筋，但系烧到啱啱好，肉汁都好丰富，而且牛味都好出，点返佢哋自家制嘅洋葱汁或者系就咁粗盐，都已经好好味。
然后仲有一个鳗鱼，佢嚟到嘅时候我哋都有啲惊讶，因为都冇谂过会咁大份。同样地我哋亦都系请咗职员帮手。
呢个鳗鱼真系太难啦，又容易㶶，又容易烧得唔均匀。最后职员好细心咁样将佢剪成一件件再搭好佢，因为成个过程都冇调味，所以都好靠佢个甜烧汁。
最后我哋仲叫咗个雪梨水冷面，味道好清新，啲面都好爽弹，啱晒食完咁多肉嘅我哋，可以解一解腻。
饮品方面，我哋叫咗一杯柠檬柚子梳打同埋青瓜青柠梳打，两杯都系比较清，啱晒食完咁多油腻嘢嘅时候饮。
张贴
