影片
更多
2009-10-14
18 浏览
女朋友系红十字会捐血,得到富豪自助餐折扣券。刚好女朋友生日,所以我地就去左食自助餐兼庆祝生日。佢地六点半就可以入座食到九点半,都只系收一个价钱,一晚做一转客人,可以慢慢食。我地迟左入埸七点半先入座,都有7,8成入座率。大家可以慢慢食,因为野食都不停refill, 就算蟹脚呢d冷盘都refill过两三次。野食方面,款式唔算系千变万化,冷盘,热食,甜点,汤都有,不过选择唔多。先来冷盘,有沙律,冻虾,冻蟹脚,螺,青口,呢d都唔错。最钟意食蟹脚,好味,不过女朋友话好咸。另外螺都好好食,唔靭。梅子石榴好好味,好重梅子味,无晒石榴味。皮蛋豆腐都唔错,豆腐好滑。仲有日式野,冷面,三文鱼刺身,寿司之类,三文鱼刺身几好味,我地都有翻兜,冷面就普通啦,d汤好咸呀!!再嚟就食热野啦,好多都系中式同东南亚菜,食左太多,讲唔晒,记得既有烧味(谂住普通野,试少少,不过咬几啖义烧觉得水准唔错)卤味墨鱼(腍,普通)咖喱羊肉(好食,不过好少肉,羊肉唔膻)印度炒饭(d米唔同平时食果d,比较干身,硬同长,个饭无𩠌,用嚟伴咖喱)冬阴功(唔太辣,少少酸,几开胃)烧牛肉(望落真系几靓,可能咁岩我果旧切得唔好,唔好食)桂花翅炒蛋(
刚好女朋友生日,所以我地就去左食自助餐兼庆祝生日。
佢地六点半就可以入座食到九点半,都只系收一个价钱,一晚做一转客人,可以慢慢食。我地迟左入埸七点半先入座,都有7,8成入座率。大家可以慢慢食,因为野食都不停refill, 就算蟹脚呢d冷盘都refill过两三次。
野食方面,款式唔算系千变万化,冷盘,热食,甜点,汤都有,不过选择唔多。
先来冷盘,有沙律,冻虾,冻蟹脚,螺,青口,呢d都唔错。最钟意食蟹脚,好味,不过女朋友话好咸。另外螺都好好食,唔靭。梅子石榴好好味,好重梅子味,无晒石榴味。皮蛋豆腐都唔错,豆腐好滑。仲有日式野,冷面,三文鱼刺身,寿司之类,三文鱼刺身几好味,我地都有翻兜,冷面就普通啦,d汤好咸呀!!
再嚟就食热野啦,好多都系中式同东南亚菜,食左太多,讲唔晒,记得既有
烧味(谂住普通野,试少少,不过咬几啖义烧觉得水准唔错)
卤味墨鱼(腍,普通)
咖喱羊肉(好食,不过好少肉,羊肉唔膻)
印度炒饭(d米唔同平时食果d,比较干身,硬同长,个饭无𩠌,用嚟伴咖喱)
冬阴功(唔太辣,少少酸,几开胃)
烧牛肉(望落真系几靓,可能咁岩我果旧切得唔好,唔好食)
桂花翅炒蛋(炒蛋几滑,系咪真翅就唔知)
浸苋菜(太腍,唔好味,一pat野咁)
wasabi焗蚝(细只,个人不爱好芥末,但仍然尝试,但拨走晒,仍然好呛鼻,最后放弃了)
其他都唔错,不过无乜惊喜,无咩好翻兜。
之后就嚟dessert 啦
我地试晒雪柜所有甜品同生果,蛋糕同雪糕就无乜点食啦,食唔落兼佢9点半已经差唔多完。
太多甜品,多到食左咩都唔记得啦,不过布甸类既野都几好食,凉粉都几好味,没想到酒店自助餐都有凉粉食。椰香蛋糕超甜,食左一两啖就顶唔顺。豆腐花ok,不太好滑,姜汁底。
用折扣既价钱去评呢一餐都叫可以,野食唔太多选择,不过味道还可以。侍应都几好,好细心,见我地烘面包唔识用烘炉,就主动帮手,又帮我地揾个火机点蜡烛,唔该晒~~有咖啡茶任饮,可以叫侍应帮你冲。
张贴
