影片
更多
2024-05-16
43 浏览
《鮨燐 - 上环》🥉同得识饮识食嘅朋友食饭，一定唔可以求其。上次食过尖沙咀鮨燐觉得好食，今次就食埋上环店，呢间先系老舖！已经屹立港岛六年，即系话2018年一开舖好快就经历好多考验。可以活到今天，一定有过人之处。今晚就豪啰！食到最贵果个寿司十四贯套餐！点解咁豪？发左达？唔系...系因为原价＄1380，而家六折优惠呀！$828咋！14件嘅Dinner Omakase，真系屈哂机。前菜三味佢地d食材好正！主要来自北海道同冲绳，由前菜就睇到。先来一个北海道松叶蟹配柚子醋啫喱，上面洒上紫苏花，清新芬香。水梅贝以酱油产过，有咬口又有浓郁酱油甜香！最后就系冲绳的名产—冲绳水云。佢系一种海带类嘅东西，可以提升免疫力，可以话系super food。水云多以醋汁调味做冷盘，好开胃！会立即令你食欲大增！寿司十四贯全员有：爱媛县蜜柑鲷、鹿儿岛乌贼、金目鲷、北海道带子、大分县深海池鱼、间八鱼、幼银鳕鱼、神奈川梭子鱼、兵库县甜虾、岩手县赤贝、岛根县池鱼、长崎县鲭鱼、爱媛县中吞拿鱼腩、马粪海胆。同其他Omakase一样，14件都系由淡食到浓，先由爱媛县蜜柑鲷开始，呢个我上次喺尖沙咀鮨燐食过都印象深刻！鱼肉轻轻带有蜜
同得识饮识食嘅朋友食饭，一定唔可以求其。上次食过尖沙咀鮨燐觉得好食，今次就食埋上环店，呢间先系老舖！已经屹立港岛六年，即系话2018年一开舖好快就经历好多考验。可以活到今天，一定有过人之处。
今晚就豪啰！食到最贵果个寿司十四贯套餐！点解咁豪？发左达？唔系...系因为原价＄1380，而家六折优惠呀！$828咋！14件嘅Dinner Omakase，真系屈哂机。
前菜三味
佢地d食材好正！主要来自北海道同冲绳，由前菜就睇到。先来一个北海道松叶蟹配柚子醋啫喱，上面洒上紫苏花，清新芬香。水梅贝以酱油产过，有咬口又有浓郁酱油甜香！最后就系冲绳的名产—冲绳水云。佢系一种海带类嘅东西，可以提升免疫力，可以话系super food。水云多以醋汁调味做冷盘，好开胃！会立即令你食欲大增！
寿司十四贯
全员有：爱媛县蜜柑鲷、鹿儿岛乌贼、金目鲷、北海道带子、大分县深海池鱼、间八鱼、幼银鳕鱼、神奈川梭子鱼、兵库县甜虾、岩手县赤贝、岛根县池鱼、长崎县鲭鱼、爱媛县中吞拿鱼腩、马粪海胆。
同其他Omakase一样，14件都系由淡食到浓，先由爱媛县蜜柑鲷开始，呢个我上次喺尖沙咀鮨燐食过都印象深刻！鱼肉轻轻带有蜜柑香，口感清新爽脆！记得唔好自己点酱油，唔系就错过左蜜柑香。总之师傅调好味，大家就信师傅，呢个开头系我好满意嘅选择！
食Omakase最好就系可以学野，例如今次食呢个乌贼我觉得口感特别，原来系因为用左「细切」嘅刀法升升爽口程度。金目鲷火灸突出金目鲷油香。深海池鱼油香重，配芝麻酱能升升浓郁度。其中，我最喜欢金目鲷。
另外其实大家都知香港生意难做，更考Omakase工夫。14件收800蚊点先有钱赚呢？要考师傅对食材嘅心思。你一定要保持有中拖、鲷鱼、马粪海胆呢d贵野，又要用本身亲民得食材，好似鲭鱼、甜虾。咁但系其实我对呢2款平价寿司好深印象，因为我明知系平，你要做到我满意系相对较难。个甜虾师傅将d虾膏虾油做左个酱吱返喺上，非常鲜味！而鲭鱼上以醋腌大根切成非常薄的薄片，入口展现令我惊喜嘅平衡感，完全冇油腻。
最后就系一定要有嘅中拖同马粪海胆，本身2款都唔系我杯茶。但中拖唔会太肥，都冇好重血味，值得赞！而马粪海胆同上次一样，都系令我知道，我唔系唔喜欢海胆，我只系唔喜欢平嘅海胆（笑）。
食Omakase除左真系食野，仲系同师傅沟通交流嘅文化之旅。我下个月又飞日本，返黎再分享日本食经！
张贴
