康記菜館 (已結業)

我妈妈同我都系海鲜迷🦐🐠🦀，最钟意就系全家去食海鲜，因为疫情嘅关系都已经好耐冇去过长洲，今次嘅长洲之旅令我妈妈非常之期待。其实长洲有条街有好多嘅海鲜餐厅，我哋以前都有食过好多间，今次见到呢一间新开张，感觉都几干净，所以今次就拣咗呢间嚟食下。🐙🐡🐠🐟我哋今次一家四口嚟到拣咗一款有八个菜式，其中入边有六款都系海鲜，我妈妈叫咗佢最钟意食嘅白灼虾🦐、咖喱蟹🦀、同埋椒盐赖尿虾🦞，而我就拣咗姜葱蟹🦀、蒸扇贝🐚、椒盐鲜鱿🦑，爸爸就拣咗清炒白菜同埋椒盐豆腐。一开始上咗个白灼虾🦐🦐🦐先，可能我哋太钟意食啦，觉得个份量未够多，不过以套餐来讲都合理嘅，始终五百零蚊有咁多嘢食，性价比来讲已经好高。咖喱蟹🦀嘅咖喱汁非常鲜味，啲蟹嘅肉汁鲜甜嘅，不过尺寸就细咗少少，只数来讲就多啲，所以要睇返你钟意食一只好大只呀，定系钟意食几只细只啲嘅。姜葱蟹🦀嘅味道都好惹味，我觉得厨师嘅手势系算高质素嘅，因为炒出嚟系非常之香口。而获得全家人比最高分嘅，系蒜蓉蒸扇贝，佢一碟得三只，我哋额外加咗$30要多只，觉得好抵食，早知六款海鲜入面拣两碟都系蒜蓉蒸扇贝啦！🙈🙈🙈椒盐豆腐外脆香口，椒盐鲜鱿🦑劲有惊喜，都系必食之选😍👍🏻下次嚟长洲识嗌