安南越式牛肉粉

营业中

休息中

呢日落雨，晏昼冇出去食，只系喺公司食杯面。放工好肚饿，拿拿淋行去大有商场揾食。原本想食西式，点知间餐厅原来装修紧，呢个时候就见到安南原来下午茶供应到六点，实在太好喇。我去到的时候好多位可以任拣。我要咗生牛河，份量都几大下，女士一定够食。味道就普通，冇乜特别。饮品就要咗咸柠檬水，个味道好怪，纯粹唔啱我口味。五点四十分左右开始，就好多人入黎赶食下午茶。我觉得都几好，唔驶加一，份量OK，好适合老友记或者女士。服务态度就不过不失，地方都算叫阔落，湾仔区唔可以太多要求。