Spark Bar & Restaurant (已結業)

好小可出城，朋友约左去饮野，想饮野前揾个地方食下野，静静地迎接今晚嘈嘈地时光。 去到呢间spark bar and restaurant , 一入到去见到有live band 位，好想听下live. 入到黎感觉好似慢左落黎咁，好舒服好静。饮品用唔同歌名作既好有特色。叫左杯 c all star 同大懒堂，配合今晚心情，饮落都系清新既，赶走下工作既忙碌感。 叫左个红菜头沙律伴菠菜叶，有希腊乳酪既配搭好新鲜，好爱乳酪既我都食清晒。另外叫左个chitarra,系餐厅自家制既手工面，加埋蟹肉同龙虾汁，面质好有咬劲、弹牙，拌匀后再食，每条面都好入味，真系好特别。 最后，主角肉眼来了，第一次成条牛骨骨髓食，好油但好juicy，我细细个成日啜猪骨，第一次食牛骨好正呀。 牛五成熟已好够，外脆内嫰。 仲有两大旧牛油系度增加香味。不得不提职员服务态度，每完一道菜会帮你换一次碟，怕影响左不同菜式的味道，对菜式的认真，同埋不慌不忙的态度，让我都好享受呢一餐晚落黎既一餐。倾到坐到唔舍得走。