影片
更多
2013-12-18
24 浏览
我哋一班美孚街坊老死，趁天气有番咁上下冻，聚一聚打个鞭炉当喺迎冬至，查实就纯粹食番餐，顺便贺一贺12月份3位生日之星 。既然贺生日，又点可以无个蛋糕呢？咁啱美心又推出咗圣诞派对蛋糕新系列，早前就收到两张换领卡，一于趁机与大家共享共尝，等多啲人感受依款新系列嘅滋味 。今次美心圣诞蛋糕分咗3个系列，分别喺「Hello Kitty圣诞Party」、「法国顶级朱古力Cacao Barry」及「圣诞礼遇」。Hello Kitty圣诞Party系列就最多选择 ，早于11月已登场嘅Hello Kitty X Maxim’s Cakes Party系列，当中嘅「Hello Kitty摩天轮Cupcake套装」（$298）及「开心Hello Kitty」（$168）都会推出圣诞特别版 ，而再新加入就有「Hello Kitty圣诞树」（$158）和「Hello Kitty圣诞老人村」（$398两磅），全部造型可爱，部份加入DIY元素，令小朋友更喜爱，配合不同份量，可按派对人数多寡再决定买边个。 Hello Kitty圣诞树 $158 净喺个蛋糕盒都可爱到不得了 ，印晒满满嘅吉蒂图案，不怪乎蛋
今次美心圣诞蛋糕分咗3个系列，分别喺「Hello Kitty圣诞Party」、「法国顶级朱古力Cacao Barry」及「圣诞礼遇」。Hello Kitty圣诞Party系列就最多选择 ，早于11月已登场嘅Hello Kitty X Maxim’s Cakes Party系列，当中嘅「Hello Kitty摩天轮Cupcake套装」（$298）及「开心Hello Kitty」（$168）都会推出圣诞特别版 ，而再新加入就有「Hello Kitty圣诞树」（$158）和「Hello Kitty圣诞老人村」（$398两磅），全部造型可爱，部份加入DIY元素，令小朋友更喜爱，配合不同份量，可按派对人数多寡再决定买边个。
Hello Kitty圣诞树 $158 净喺个蛋糕盒都可爱到不得了 ，印晒满满嘅吉蒂图案，不怪乎蛋糕食完屋主老友都想要番个盒。仲有，佢早前去完台湾，啱啱就卖咗支Hello Kitty樱花酒返嚟，跟个蛋糕，真喺衬到绝㖞 。「圣诞树」顾名思义就要似樖树，圆锥形身披粉红外衣嘅士多啤梨慕丝蛋糕树，一眼望埋去好寡，皆因要你与挚友动手一起DIY将7块唔同图案嘅白朱古力牌仔及幻彩星星碎糖，摆晌个蛋糕树之上，所以，个蛋糕可谓食得又玩得 。蛋糕之内，喺一层松软回弹力强嘅海绵蛋糕夹一层酸香柔滑嘅士多啤梨慕丝，层层叠叠，各有4层相间，如能晌慕丝中加啲士多啤梨果肉，味道及效果相信更加相得益彰。
至于法国顶级朱古力Cacao Barry系列，则有两个选择：「Baileys朱古力慕丝蛋糕」（$188）及「迷你特浓朱古力脆脆」（$118）。两者均以法国殿堂级朱古力Cacao Barry制造，前者加入Baileys爱尔兰甜酒所做嘅慕丝，后者配上法国传统蛋白杏仁蛋糕，可谓各有特色 。
Baileys朱古力慕丝蛋糕 $188 屋主老友整支「Hello Kitty樱花酒」嚟衬个「Hello Kitty圣诞树蛋糕」，小弟都唔弱，晌家中拎咗支Baileys爱尔兰甜酒过嚟衬番个「Baileys朱古力慕丝蛋糕」，仲要喺心爱嘅焦糖味 ，哈哈。讲番个蛋糕，半球形闪𫞠𫞠嘅朱古力慕丝蛋糕，虽然装饰欠奉，但俾人印象喺华丽高贵。由下而上，有朱古力脆珠、Cacao Barry 60%朱古力慕丝、白朱古力慕丝、特浓朱古力海棉蛋糕、朱古力Baileys爱尔兰甜酒慕丝及面层薄薄嘅特浓朱古力浆。3层慕丝味道各异，入口细滑香腻，朱古力味浓郁，真喺要细味慢慢嗒真一啲 。再者，配合埋脆珠及特浓朱古力海棉蛋糕，令整体味道及口感都有著层次多变 。
「圣诞礼遇」喺个重达8磅两层高嘅大型3D立体「开心雪人」朱古力蛋糕，同样以法国顶级朱古力Cacao Barry制作，绝对味道浓郁，如此份量适合20人以上分享。原价要$1,680，5个工作天前透过订购热线，仲可享美心圣诞礼遇价$980，供应期有限。
最后，好开心跟一班老友欢聚，再次多谢屋主款待 ！
张贴
