Kinship (已結業)

不时不食，不止应用喺食材，都应该应用系餐厅。如果我系浓冬嘅时候泥kinship, 感觉可能会有所不同。beef tartare 牛肉无剁得好碎仍留有筋肉嘅咀嚼感。调味够咸，甚至有啲过咸。佢应该系用左老干妈辣椒酱去调味，花椒嘅麻香系讨喜，但好油，再加上太咸又配好重味嘅芝麻脆片，食完后我宣告自己嘅味觉已阵亡。如果配rice cracker可能会好啲。我会俾呢个beef tartare 68分但其实今餐嘅其他食物分开食都好食，但一齐食就heavy得有啲吃不消。好似主菜个烧猪腩配粟米蓉。猪肉烧得软嫩多汁，加左菠萝同粟米粒有小惊喜，有一种见到魁梧嘅男人抱住只芝娃娃嘅感觉，粗犷中有啲小清新，只系食完后已食唔落个burnt onion risotto 但甜品嘅coconut panna cotta系好食。椰子味香浓，奶冻柔滑，配上西柚粒同芒果，有食杨枝甘露嘅感觉。而Banana parfait 上嘅whip cream都好轻柔，但食唔落了但太少食油腻嘢嘢，个肚唔舒服左一晚。我同kinship非系适当嘅时候遇上。