玲瓏小鎮

营业中

休息中

星期六瞓得晏，下午4点先食lunch，行行下见呢间铺，装修都干净大间，价钱又唔贵，本著唔想排队食cafe的谂法，就入左黎。入面系一个客都冇，本身都惊又中伏，不过入都入左，价钱又唔贵就谂下俾次机会佢。坐低剔左醉酒鸡面同炸芝士鸡扒肉燥面，同两杯野饮。可能系得我地一枱客，5分钟左右都上晒菜。意外几好食，一个葱油面，一个肉燥面，都系好好食。食炸芝士鸡扒要小心，因为一啖咬落去入面系好热好热，芝士会多到流晒出黎。唔饮得嘅就要小心食醉鸡，因为食多两旧应该会醉，可见醉鸡都系好足料煮。杯野都系好好饮，Oreo朱古力加珍珠都系17，真系抵过晒出面间间奶茶铺。依加出面太多铺头执笠，佢地冇乜客，都惊下个到佢地。希望佢地唔好咁快执，下次行过都想再黎食。见好多负评都系针对姨姨态度，但系今次我又冇咩唔好嘅体验，我觉得都系用心经营嘅小店，其实都值得俾多一次机会。