水蜜桃冰室 (已結業)

睇食评讲到好正咁，话平价又好食，又话好有心思，其实真系唔系咁特别，普普通通嘅西餐厅一间。首先讲个餐汤，好淡味又稀，唔合格，蒜容包就正常。到主食，我叫左红菜头饭，男友人叫牛扒，都等左几耐下，同样嘅田螺，隔离枱迟过我地叫仲早过我地有，港人真系会介意呢一点啰。先讲个红菜头饭，红色的确令人好有新鲜感，食落好重芝士味，好味得黎都几漏，最后食净少少。到个牛扒，真系一定要讲，个铁板上到黎，侍应会目无表情喺你面前落酒，然后一野队枝火枪埋黎挞著个牛扒，然后冯一声成个扒劲大火同成块面有阵热气，系好有心思但真系吓亲人啰，因为动作太快，做之前应该同人讲声，见到隔离枱差啲就烧著张纸巾，有食客喺挞火前问会有几劲，个侍应答劲过吴国敬，其实唔好笑，总之枱枱都比个火吓亲，讲返个牛扒，唔系特别好食，无顺纹切所以都几鞋，食完太饱试唔到个雪芭，我谂都无乜必要试啦。