影片
更多
2009-05-24
23 浏览
老死生日要帮佢庆祝,梗系我请食饭啦!唉!而家咁既市道梗系要四围打探下边间酒店食buffet又平又抵食啦!发现好多酒店都清一色唔系国际美食就系日式自助餐,冇乜新意!呢间万丽而家做紧澳门葡萄牙美食,都几特别,而且仲有七折,折实咗二百几蚊一位,四星酒店来讲都几超值!一于去马.坐低后发觉佢地餐厅都几大,但装修方面就旧咗啲啦!唔紧要,最紧要都系食物(因为食嘢叫嘛)二话不说,一行三人即刻杀出去buffet枱攞嘢食,虽然佢地buffet枱唔系好大,但食物品种都算多,生蚝,鱼生,翡翠螺,长脚蟹,法国龙虾仔,甜虾同埋濑尿虾都有供应,仲有个中式自选汤面档,我就整咗碗牛腩面再加一细碗港式碗仔翅,味道一流!休息咗十分钟后就再出去博杀过,呢次就试咗好多澳门美食,炸马介休球,虾仔角都好好口感同外皮炸得好脆,烩牛尾炆得好淋,烤原条沙甸鱼都好特别,我攞咗一条同朋友share来食,好野味!仲有试咗葡国海鲜饭,感觉上同意大利烩饭差唔多,不过因为有厨师现场即煮,所以感觉好新鲜,啲饭吸咗啲海鲜汤后好鲜甜.虽然佢地有个攞得好靓既冷盘沙律counter,但本人对沙律冇乜兴趣,而且仲要留力食甜品,所以冇乜试到啲冷盘同生蚝.终于到食
唉!而家咁既市道梗系要四围打探下边间酒店食buffet又平又抵食啦!发现好多酒店都清一色唔系国际美食就系日式自助餐,冇乜新意!呢间万丽而家做紧澳门葡萄牙美食,都几特别,而且仲有七折,折实咗二百几蚊一位,四星酒店来讲都几超值!一于去马.
坐低后发觉佢地餐厅都几大,但装修方面就旧咗啲啦!唔紧要,最紧要都系食物(因为食嘢叫嘛)二话不说,一行三人即刻杀出去buffet枱攞嘢食,虽然佢地buffet枱唔系好大,但食物品种都算多,生蚝,鱼生,翡翠螺,长脚蟹,法国龙虾仔,甜虾同埋濑尿虾都有供应,仲有个中式自选汤面档,我就整咗碗牛腩面再加一细碗港式碗仔翅,味道一流!
休息咗十分钟后就再出去博杀过,呢次就试咗好多澳门美食,炸马介休球,虾仔角都好好口感同外皮炸得好脆,烩牛尾炆得好淋,烤原条沙甸鱼都好特别,我攞咗一条同朋友share来食,好野味!仲有试咗葡国海鲜饭,感觉上同意大利烩饭差唔多,不过因为有厨师现场即煮,所以感觉好新鲜,啲饭吸咗啲海鲜汤后好鲜甜.
虽然佢地有个攞得好靓既冷盘沙律counter,但本人对沙律冇乜兴趣,而且仲要留力食甜品,所以冇乜试到啲冷盘同生蚝.终于到食甜品既时候,哗!好多好靓既甜品呀!第一时间整只葡挞先,外皮好脆!,同港式蛋挞唔一样,佢冇咁甜同埋外皮系酥皮做,所以特别脆!而且size亦冇蛋挞咁大,食完仲有大把位试其他甜品.成日听人讲木槺布甸好味,自己终于点解啦!好特别而且好好味,真系唔知点形容好,要试过先会知.唯一系冇HAGGEN-DAZS雪榚而系用其它牌子既雪榚.睇到之前有位食家弹到佢地一文不值!可能每个人既喜好同口味都唔同呱!要睇啲食物啱唔啱自己口味,不过我地一行三人都觉得几好,咁既价钱(讲紧同其它四星酒店比)算系几超值架啦!可能依家市道唔好,每个人驶钱都特别小心,要用最小既 $ 去换取最大享受!
食到中段忽然有位待应比几杯橙汁我地,原来系每人包一杯食品,呢部份就有小小减分,应该一坐低就即刻比我地啦!总括来讲算系抵食啦!
张贴