影片
更多
2012-05-25
4028 浏览
第一篇食评刊登左，好开心！既然放大假，得闲就写下先！寻晚等同事收工一齐去德兴任食，早两日已经订左台，去到即有位，订台呢个发明实在太伟大了~不过可能由于系平日，全晚其实都系有吉台既。呀同埋我无影到相，哈哈见到卖相我真系完全无冲动要影，不过同佢味道又无直接关系既，新鲜程度一定差d但整体黎讲味道ok既。因为系任食，张list上既野几乎俾我地4个人叫齐晒，等我highlight几点：1. 新推三小时任食？我已经大半年无黎德兴，之前一路都知系入坐计两小时任食，寻晚见到餐牌，有两小时($130)/三小时($141)任食 []，对于吹水吹到庆起被人催埋弹而有怨愤既我，有三小时任食都系好事。最初我地谂住两小时个阵会被人催埋单，但又无㖞，原来佢已经自动将我地拨入三小时，其实都唔介意，不过如果两小时既时候问一问会更加贴心。2. 混酱收费究竟系一人要全全部人要俾，定系要既人头计呢？我记得上次黎明明系前者，即系唔理你几多人要混酱，都系位位$9。今次个部长话系两位起，要既人头先俾钱，咦正㖞，因为我地当中有人真系只要豉油就得！咁我地就话计三个人啦，到个侍应埋黎，呀佢又话要计全四位，唔系$9既问题，你地究竟点收费架
寻晚等同事收工一齐去德兴任食，早两日已经订左台，去到即有位，订台呢个发明实在太伟大了~不过可能由于系平日，全晚其实都系有吉台既。
呀同埋我无影到相，哈哈见到卖相我真系完全无冲动要影，不过同佢味道又无直接关系既，新鲜程度一定差d但整体黎讲味道ok既。因为系任食，张list上既野几乎俾我地4个人叫齐晒，等我highlight几点：
1. 新推三小时任食？
我已经大半年无黎德兴，之前一路都知系入坐计两小时任食，寻晚见到餐牌，有两小时($130)/三小时($141)任食 [[但入座时佢无无问我地要食几耐]]，对于吹水吹到庆起被人催埋弹而有怨愤既我，有三小时任食都系好事。最初我地谂住两小时个阵会被人催埋单，但又无㖞，原来佢已经自动将我地拨入三小时，其实都唔介意，不过如果两小时既时候问一问会更加贴心。
2. 混酱收费
究竟系一人要全全部人要俾，定系要既人头计呢？我记得上次黎明明系前者，即系唔理你几多人要混酱，都系位位$9。今次个部长话系两位起，要既人头先俾钱，咦正㖞，因为我地当中有人真系只要豉油就得！咁我地就话计三个人啦，到个侍应埋黎，呀佢又话要计全四位，唔系$9既问题，你地究竟点收费架？个部长见到我地鸡同鸭讲，就过来澄清，其实真系要既人头俾钱既，唔该晒部长！(呀个侍应唔好意思都无声，嘴miu miu+_+)
3. 恒生卡有折
去到埋单，佢问我地有无恒生卡，原来有折，sorry大家倾到兴高彩烈真系无留意折左几多，总之埋单总共$499 (任食加混酱，无叫野饮，饮茶only)，每人先$125！好抵食呀！好鬼开心~
4. 食物小评，整体其实唔错，仲觉得好过我上次来食添。正常的食物唔特别讲，较好/差既就同大家分享下：
(好)鱼腐：细细粒，lup lup 突突，其貌不扬咁，但竟然有d鲜味，好好食下㖞！
(好)南瓜：厚度切得几平均，好甜！
(好)肥牛：我觉得都几鲜味，摆出来一圈圈又算几企理 (只系唔知份量点落单好，我地写左"5"，谂住来一大份，点知佢俾5片；第2轮再写"5"，又大大份，估佢唔到)
(好) 蟹腿肉：上台时仲有d冰雪，硬梆梆，正宗急冻野，唔紧要啦，放去渌下就得，食起来系一条条架bor，算系咁啦。
(差)饺类：佢d饺一律厚皮少馅。
(差)水晶包：又系厚皮少馅，食左粒叉烧味，d叉烧无味既！
(差)猪润：呢样真系超级唔新鲜，上台已经深红色，熟左之后，口感同味道都好古怪，之后成碟无食。
张贴