影片
更多
2009-09-01
10 浏览
佢啱啱开舖时唻食过午餐同晚餐, 试过佢o既雪菜汤年糕, 饺子拉面, 回锅肉抄年糕, 小笼包, 绵花糖白免仔... 都几好味, 招呼几好, 价钱合理, 食完都好满足. 几个月冇去, 上星期与同事再去食lunch, 发觉完全变晒质...我叫咗饺子拉面 ($28), 同事叫咗套餐B - 云吞米线($25) --- 话就话叫做套餐, 但其实只得一碗面, 如要热奶茶, 热咖啡(只有呢两款饮品选择)都要加钱... 而呢间上海舖竟然连豆浆都冇卖!!! 我哋仲叫咗一客小笼包.我碗饺子拉面足足等咗20分钟先上枱, 而当时我同事碗云吞米线已食完... 面的份量多得惊人, 本来我等咗咁耐先有嘢食系好肚饿, 但我点都食唔晒, 食剩咗三份一; 饺子/ 云吞材料同味道完全一样, 分别只系云吞皮薄d, 水饺皮厚d, 同包法唔同, 又细细粒, 仲每碗得𠮶4粒, 到喉唔到肺咁. 汤好淡, 淡到食唔到系用咗咩唻煲; 我哋同店里一个员工提意见面太多, 食唔晒好浪费, 如果减d份量但俾多一粒水饺/云吞, 会好好多, 个员工竟然话: "好多客都有咁o既提议, 但做厨o𠮶d人全都系老板, 佢哋都坚持不变."食完两碗面, 小
我叫咗饺子拉面 ($28), 同事叫咗套餐B - 云吞米线($25) --- 话就话叫做套餐, 但其实只得一碗面, 如要热奶茶, 热咖啡(只有呢两款饮品选择)都要加钱... 而呢间上海舖竟然连豆浆都冇卖!!! 我哋仲叫咗一客小笼包.
我碗饺子拉面足足等咗20分钟先上枱, 而当时我同事碗云吞米线已食完... 面的份量多得惊人, 本来我等咗咁耐先有嘢食系好肚饿, 但我点都食唔晒, 食剩咗三份一; 饺子/ 云吞材料同味道完全一样, 分别只系云吞皮薄d, 水饺皮厚d, 同包法唔同, 又细细粒, 仲每碗得𠮶4粒, 到喉唔到肺咁. 汤好淡, 淡到食唔到系用咗咩唻煲; 我哋同店里一个员工提意见面太多, 食唔晒好浪费, 如果减d份量但俾多一粒水饺/云吞, 会好好多, 个员工竟然话: "好多客都有咁o既提议, 但做厨o𠮶d人全都系老板, 佢哋都坚持不变."
食完两碗面, 小笼包仲未上枱, 一问之下原来系漏咗单!!!
最最最大问题系成间舖充斥住一阵"地拖味", 咸咸臭臭咁, 本来我一入间舖发觉有阵臭味都想走, 但同事话其他食肆好难揾位, 是但啦... 咁就留低咗, 真系好后悔.
其实今次食佢o既面条都依然觉得不错, 每条oo既粗幼都有唔同, 似系人手拉出唻, 好香面粉味, 质感都好好, 哎,可惜只得面条做得好系绝对唔够... 真系好失望, 冇下次....
张贴