影片
更多
2018-05-03
2106 浏览
呢间餐厅，都睇左一段时间，因为呢度食评好坏参半，想试又未有足够信心。今日相约友人湾仔饭聚，行到呢条街，有唔少餐厅，而想试的西班牙餐厅爆满，而Bo Innovation又无book位，上去都未必有得食，最后拍板试呢间，话晒有个app主菜有买一送一，唔好食都觉得好似无咁亏。沿著楼梯行上去，感觉有少少泰式风情。入到去，餐厅主打室外雅座，当晚人都唔少，分开左两边，右手边好多鬼佬已经饮紧酒，最后我地选择左边无咩人既位置。两个人食唔到太多嘢，所以叫左四样，柚子虾🦐沙律；泰式炒杂菜；龙虾金边粉；泰式鲈鱼。先要了一个椰青HKD48，清甜，椰肉好嫩，好味。Lime and Mint Frappe HKD68，呢杯好有薄荷叶味；柠味同酒味欠奉，而且超甜！超甜！超甜！真系好诧异点解可以咁甜，最后要加一杯水落去先可以饮得落，太夸张了！柚子沙律 HKD128--份量唔多，味道可以接受，椰糖味都几重，柚子新鲜，虾肉无特别就是雪藏货色，没有甚么鲜味但是弹牙的，可能有人会觉得不划算，但我觉得还可以接收。泰式炒杂菜HKD75，说了要少油，不过上到来都是比较油，不过已经预左，所以无失望，味道也可以，有云耳；西兰花；椰菜花
今日相约友人湾仔饭聚，行到呢条街，有唔少餐厅，而想试的西班牙餐厅爆满，而Bo Innovation又无book位，上去都未必有得食，最后拍板试呢间，话晒有个app主菜有买一送一，唔好食都觉得好似无咁亏。
沿著楼梯行上去，感觉有少少泰式风情。
入到去，餐厅主打室外雅座，当晚人都唔少，分开左两边，右手边好多鬼佬已经饮紧酒，最后我地选择左边无咩人既位置。两个人食唔到太多嘢，所以叫左四样，柚子虾🦐沙律；泰式炒杂菜；龙虾金边粉；泰式鲈鱼。先要了一个椰青HKD48，清甜，椰肉好嫩，好味。
Lime and Mint Frappe HKD68，呢杯好有薄荷叶味；柠味同酒味欠奉，而且超甜！超甜！超甜！真系好诧异点解可以咁甜，最后要加一杯水落去先可以饮得落，太夸张了！
柚子沙律 HKD128--份量唔多，味道可以接受，椰糖味都几重，柚子新鲜，虾肉无特别就是雪藏货色，没有甚么鲜味但是弹牙的，可能有人会觉得不划算，但我觉得还可以接收。
泰式炒杂菜HKD75，说了要少油，不过上到来都是比较油，不过已经预左，所以无失望，味道也可以，有云耳；西兰花；椰菜花；菜心；红萝卜等等，菜类丰富，算收货啦。
PHAD THAI LOBSTER (HKD298) ，呢道菜定价近300大元，如果不是龙虾的话，最多就是128左右，菜端上来的时候，好彭拜啊，龙虾已经拆肉了，同泰式河粉炒埋一碟，唔知道系咪足料，check唔到，上面铺上的芽菜，原味的，没有加工过，是传统的做法，尝了一口炒河粉，没有特别出色的感觉，不过还是可以一试，当然如果觉得价格太高，可以试试其他炒粉面。
Baked Sea Bass (HKD228) 呢道菜有用个apps，所以免费享用，虽然系免费，但一d都无将货就价，原条海鲈用锡纸和蕉叶包住局，鱼身鱼肚内都系香茅，南姜，金不换，条鱼完全系原味，无用任何调味腌制过，非常好食，而酱汁就非常辣，我都无咩点过，由于太夜食晚餐，最后都系吃了半条就放低刀叉。
最后埋单HKD679，都觉得可以接受啦。只系整个食饭过程比蚊咬三啖，坐室外都系要避免短裙。如果有人想知系咩app，留言问我啦～
张贴
