Bigger Burger Cafe (已結業)

假日的午饭。2019年1月1日的第一餐饭, 唔想食茶记, 食好少少嘅选择。时间已经过咗2pm, 仍然希望食一份饱饱嘅 lunch。Big Burger 经常路经, 环境睇落唔错, 食物照片拍得非常吸引, 但由于价钱略高, 一直都未有机会帮衬。今次适逢假日, 决定慷慨地大胆一试。Order 两份全日套餐, <餐汤> 系蚬肉海鲜甘笋忌廉汤, 好好味。1. <经典优质安格斯牛肉堡配自家制薯条> 汉堡牛肉鲜嫩好味, 面包高大实净, 番茄蔬菜新鲜, 薯条粗大香口。非常美式, 卖相吸引, 可以话系有姿势又有实际。2. <香煎优质鸡腿扒伴烧汁白饭及沙律> 其实饭、沙律、鸡扒、烧汁, 每样嘢都ok好味, 但价钱略贵。客人付得起呢个价钱, 期望自然会高啲。呢个鸡扒饭嘅用料、卖相、味道, 其实只系去到茶餐厅嘅水平。觉得唔太抵食。<餐饮> 除咗热柠水及热柠茶外, 其他饮品都需要升级价钱 所以我哋只饮热柠茶算数。味道ok啦。需要加一服务费。