藍屋 (已結業)

同事话想食蓝屋好耐，我心谂：湾仔间蓝屋？ 错晒，纯粹系间餐厅叫蓝屋，话平时好难有位，特登12点半未到就去食。午餐只有黑板上嘅几个选择，有同事因为食素想食沙律，系无嘅，总之你自己搞掂佢啦。因为我唔想食太重口味，所以得一个选择：蟹籽忌廉南瓜汁龙脷柳薯菜。蟹籽忌廉汁龙脷柳薯菜 $56我要咗个罗宋汤，不过颜色真系好唔吸引啰，好似梅菜咁，又多油，里面得三两条椰菜，真系hea 到一个点。😔龙脷柳一样唔掂，外层林到一个点，但因为炸过，所以有阵油炸味，肉又粉又硬，个汁粉多过材料，真系唔知自己食紧乜🙄连唯一可以寄托嘅薯菜都出事，菜生得黎油，好大阵草青味，薯角又系林到一个点，似系一早炸好一大碟热住嘅感觉。可能肉类会唔同，但我真系唔会再试，好难食呀。