正宗上海生煎皇 (已結業)

笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！个日行定黄金系附近揾食，知道附近新开左正宗上海生煎皇分店，即管一试。虽然将近七点晚饭时间坐无虚席，但一个人唔难揾位。坐低望下餐牌，我以为自己去左中环食野，大佬！SSP出左名系全香港收入水平最低嘅地方，咩事令你d价钱咁进取？当我谂紧嘅时候呀姐已经催我落单，勉为其难叫左个芝麻酱五彩冷面同生煎包，大拿拿$57仲要无野饮...OK！呢个价钱令我对佢嘅expectation提高。芝麻酱五彩冷面、生煎包先讲个冷面，味道唔系差，份量都算ok，但$40食d𩠌头𩠌尾捞埋一碟冷冰冰嘅野，我就觉得性价比好低啰。再黎个生煎包，之前去过上海，个阵日日食都觉得好正唔会厌，但呢度嘅生煎包带唔到呢个感觉俾我，脆同硬真系一线之差，不过胜在多汁够热，系味精重左d啰。埋单$57，真系不敢恭维