GUM "JENG!" X 御前上茶 (已結業)

同细妹行旺角行到攰攰地，就周围揾下野食。因为就近晚饭时间，我地就打算食少少野，再返屋企食晚饭。行去广华街个边，见到一间疑似「日式甜品店」。因为装潢唔错，所以我地决定入去坐下食杯雪糕。结果，我地入左去先发现，原来间野系台湾人开嘅。个度大部分甜品同雪糕都系以绿茶做主打，岩哂我个绿茶控妹妹。我地叫左一杯「御前抹茶圣代」--绿茶雪糕+芋圆+红豆。 成杯绿茶雪糕香滑茶浓，芋圆就够哂弹牙。成杯野甜丝丝，食到我地乐滋滋。估唔到系香港开设嘅台式店，都可以畀到我地日本美食嘅feel。