影片
更多
2020-10-24
866 浏览
今次系我第二次嚟大澳，但都系第一次喺大澳食嘢。就算喺平日过嚟，都好多铺头同食店都冇开，如果想食正餐，我建议你食完饭先过嚟好啲。不过试到其中一间叫做苏庐嘅渔村风味棚屋cafe，都系主打轻食、甜品同咖啡，仲要系黄店。本身亦都因为咁而冇太大期望，不过呢间都几爆，平日晏昼都已经要坐喺近门口张櫈度等一阵。里面啲座位唔算多，我哋亦都好好彩，坐嘅位就系对正对面嘅渔村棚屋风景，虽然食物同嘢饮种类简单，选择唔多，但系质素系有，一路饮精品咖啡，食住tiramisu，一路望住渔村棚屋风景，非常写意！另外杯同碟都系用中式花纹图案，中西合璧都几特别，冇违和感～价钱方面呢，佢一杯嘢饮+一件蛋糕或其他嘢食就95蚊，咁一杯嘢饮+一件蛋糕+一样嘢食就125蚊，呢个价钱喺离岛嚟讲都系咁上下。📍意大利芝士饼tiramisu 如果你系tiramisu 控，呢个系必食之一，食落嘅口感非常滑，食完唔会觉得好heavy📍意式脆多士呢碟多士有3款唔同味，分别系罗勒蕃茄、蜂蜜芥末鲭鱼同青木瓜XO虾酱蟹肉，感觉都几特别，惹味得嚟都几夹，尤其系第三款个虾酱味都唔会太重，肉味出啲，其余两款相对比较清淡，好视乎个人口味
本身亦都因为咁而冇太大期望，不过呢间都几爆，平日晏昼都已经要坐喺近门口张櫈度等一阵。里面啲座位唔算多，我哋亦都好好彩，坐嘅位就系对正对面嘅渔村棚屋风景，虽然食物同嘢饮种类简单，选择唔多，但系质素系有，一路饮精品咖啡，食住tiramisu，一路望住渔村棚屋风景，非常写意！另外杯同碟都系用中式花纹图案，中西合璧都几特别，冇违和感～
价钱方面呢，佢一杯嘢饮+一件蛋糕或其他嘢食就95蚊，咁一杯嘢饮+一件蛋糕+一样嘢食就125蚊，呢个价钱喺离岛嚟讲都系咁上下。
📍意大利芝士饼tiramisu
如果你系tiramisu 控，呢个系必食之一，食落嘅口感非常滑，食完唔会觉得好heavy
📍意式脆多士
呢碟多士有3款唔同味，分别系罗勒蕃茄、蜂蜜芥末鲭鱼同青木瓜XO虾酱蟹肉，感觉都几特别，惹味得嚟都几夹，尤其系第三款个虾酱味都唔会太重，肉味出啲，其余两款相对比较清淡，好视乎个人口味，我自己觉得三款都唔错
📍热精品咖啡
精品咖啡都系必试，亦都系整得最耐，但系值得等，口感好滑，连我唔系特别钟意咖啡嘅都觉得唔算苦，但又keep到咖啡味
📍鸡翼虾子面
以前食虾子面唔觉得有几特别好食，今次就食到，靓嘅虾子面，一定食到好香嘅虾子味，面质爽口鲜甜，亦都唔需要落其他调味料，而佢就系咁样。不过份量都系唔算大，所以都会叫埋其他小食/甜品
📍热朱古力奶
朱古力味突出，唔会太甜
张贴
