好茶養生 (MOKO新世紀廣場) (已結業)

今日出街行行吓有啲攰想饮杯野。依家疫情戴住口罩都唔系好方便周街饮嘢，最好就系可以坐低慢慢饮。呢间小店都有唔少座位，主打养生茶，非常健康。我就拣咗桂花雪梨茶少甜。雪梨茶够清甜，而且够滋润，热饮相当唔错，大大杯！另外一杯拣咗蜜桃茶冻少冰。蜜桃茶蜜桃味几香，茶味亦都够。仲有两件蜜桃肉好甜好好食。见到有雪糕拣咗玫瑰红茶味。雪糕筒够脆，玫瑰味够香。钟意红茶味甜甜地有茶香。另外一个拣咗焙茶味。呢度嘅雪糕够冻，焙茶味都唔错，但系唔会太浓郁～除咗饮品、雪糕，仲有蛋糕，想坐低休息一下确实系一个唔错嘅选择！