胡爐 (已結業)

依家工商厦多咗好多有质素嘅食肆，唔系朋友介绍都唔识黎揾食，原来呢间喺厚福街大厦入面1嘅「胡炉」，系近日重开番嘅。胡炉装修好中国宫廷风格，装修典雅配合木制家私，多一份温暖亲切感。我地嗌左餐厅推介嘅金汤鸽翅花锅，感觉滋补又养生。乳鸽补肝壮肾、益气补血、又清热解毒，肉质嫩滑。花胶同金翅份量好多，落重本，感觉食完人都靓D。汤底好好饮，有老火汤感觉，食野前忍唔住饮左两大碗。飞驒A5和牛肉眼超高质，油脂分布好均匀，入口即溶，又有油脂嘅香，好正！冰豆腐同打边炉系绝配，整旧豆腐索满晒汤底，好味！杂菇拼盆食材新鲜，又可以每款试少少！食到最后，试下D南瓜肉，好惊喜，超软淋又绵，煲到南瓜蓉咁，好香甜。今晚食得开心又满足，个汤底超赞，期待餐厅再推出特色汤底。