肥仔記麵家

营业中

休息中

呢间小编都食过好几次，见证住云吞由大变细，态度愈嚟愈差…有埋今次经历之后，唔会再去架啦！Weekend座无虚席，见到姨姨们都好忙碌。饿扁嘅小编都尽量唔想麻烦到佢地，所以一落单，就默默地等咗15-20分钟，继豆浆、油菜后，墨丸云吞面终于送到。小编一见个面，发现3粒墨丸同3粒云吞细粒咗好多！但因为太肚饿啦，一啖咬落粒云吞，就觉得口感有啲怪，之后睇下剩返嘅半粒云吞，发现系生架！冻嘅，啲肉仲系透明，虾面系透明架….我即刻叫咗个姨姨过嚟同佢讲啲云吞系生嘅，佢话即系帮我处理，点知转个头去咗落单、执枱同收钱….小编再同姨姨有眼神接触后，姨姨醒觉要帮我处理啦，仲好好咁问我照旧定转其他，咁小编照旧啦。再等多10几分钟，新嘅墨丸云吞面送到！小编发现变咗2粒墨丸同4粒云吞…食到最后一粒云吞嘅时候，发现啲肉虽然有啲粉红色，但啱啱熟，小编已经唔想再打揽姨姨们，食晒就走。