影片
更多
2011-08-28
60 浏览
今日去La Parole食生日饭，极之不满，以后唔会再去。我哋总共18位，其中5位生日，大约1个月前订位。安排订位那位哥哥仔话会email menu俾我哋，收到后打去询问menu内容，点知佢话menu唔啱，问个menu喺唔喺佢哋嘅，大佬呀，email address冇得呃呱，最后咪又系要认send错，话再send过，点知两曰后都冇影，再打去追，个哥哥仔好似如梦初醒，跟住就话email唔得住，fax得唔得？唔知点解可以fax就唔可以email！最后咪又系email咗嚟！另外又同我哋讲你哋咁多人会唔会考虑包半场，话大约$8xxx，我话考虑吓。两曰后打番去confirm，𠮶哥哥仔又系玩失忆，跟住总话要$13xxx，好明显价钱随口噏！好，到几日前confirm食乜，minimum charge每人要$380 (3道菜)，因为有两位8岁以下小朋友，所以问系唔系average每人$380就得，结果当然唔得，都算，咁问有冇意粉menu，又话冇，咁咪话佢知想食乜嘢材料嘅意粉啰，咁冇弹性嘅餐厅都几难揾！不过仲未完！我哋有7位食牛扒，哥哥仔话有side dish：risotto, salad, 同另一样嘢
今日去La Parole食生日饭，极之不满，以后唔会再去。
我哋总共18位，其中5位生日，大约1个月前订位。安排订位那位哥哥仔话会email menu俾我哋，收到后打去询问menu内容，点知佢话menu唔啱，问个menu喺唔喺佢哋嘅，大佬呀，email address冇得呃呱，最后咪又系要认send错，话再send过，点知两曰后都冇影，再打去追，个哥哥仔好似如梦初醒，跟住就话email唔得住，fax得唔得？唔知点解可以fax就唔可以email！最后咪又系email咗嚟！
另外又同我哋讲你哋咁多人会唔会考虑包半场，话大约$8xxx，我话考虑吓。两曰后打番去confirm，𠮶哥哥仔又系玩失忆，跟住总话要$13xxx，好明显价钱随口噏！
好，到几日前confirm食乜，minimum charge每人要$380 (3道菜)，因为有两位8岁以下小朋友，所以问系唔系average每人$380就得，结果当然唔得，都算，咁问有冇意粉menu，又话冇，咁咪话佢知想食乜嘢材料嘅意粉啰，咁冇弹性嘅餐厅都几难揾！不过仲未完！
我哋有7位食牛扒，哥哥仔话有side dish：risotto, salad, 同另一样嘢(忘记了)，咁我咪话要check吓呢7位要乜再覆佢，点知佢话expect呢7位食同一样嘢，咁我哋梗系嘈佢啦，最后咪又俾我哋选唔同嘢，点解一开始要俾啲咁嘅选择客人！
哈！今日去到仲搅笑，我哋𠮶7位食牛扒嘅朋友同侍应讲生熟要求，佢哋居然话呢7位要朋友要选择同一个生熟度，唔可以分别选择！我都未听过有咁嘅餐厅！
由于已经预先选好食物，所以将名字同座位写咗俾佢哋上菜用，点知上菜时梗系有错喇，本来我哋都冇乜所谓，我哋只系话俾佢地知边位错咗啲乜，唔系投诉，点知佢哋仲话系我哋坐乱咗，唔系佢哋错，咁我哋问佢边位坐乱咗又答唔出！我哋跟住真系火都嚟埋去投诉，跟住咪又嚟say sorry，不过有鬼用咩！
𠮶5位生日朋友嘅甜品应该有happy birthday to xxx嘅朱古力字，不过又miss咗一位，但系我哋都麻木哂！
从来人数多可以有优惠，未听过人数多要牺牲选择！
食物方面，头盘同主菜都不过不失，冇乜特别，份量偏少。唯独牛扒唔够冧；甜品方面，水准参差，同是朱古力梳乎里加心太软加芒果mousse，有几份几好，有几份就系朱古力蛋糕加冇流心嘅心太软加芒果mousse！梳乎里完全唔松软，心太软overcooked！
估唔到我系第一个喊嘅食评！
张贴