影片
更多
2012-08-09
372 浏览
呢间酒楼第一次系度食晚饭, 因为妈咪生日, 所以喺屋企附近揾间酒楼食饭. 今晚我地一行十几人(当中有10个大人, 4个小朋友, 1个BB)黎到食饭, 本来都冇咩特别, 只系觉得有D奇, 七八点时间, 竟然呢间酒楼无咩客, 虽然有三层啫, 但人客唔算多. 直到食完饭,我知点解呢间酒楼冇咩生意啦!由于我们较多人, 每人点一两个小菜, 为免错漏, 所以用纸写了所点的小菜, 然后叫一个伙记过黎落单, 该名伙记将我地点既菜, 写晒落单之后, 亦有同我地覆一次所点的小菜有冇错漏. 呢间酒楼而家系同渣打做既PROMOTE, ORDER 某一D食物会半价, 又或者系D套餐特价. 落单时伙记冇同我地讲而家佢地系做紧渣打信用咭优惠, 如果有呢张信用咭, 可以点佢地推广既小菜. , 我地亦冇刻意提我会用渣打埋单, 因为宣传单上冇写明必须落单时声明.同埋一般黎讲, 只要出示正在推广既信用咭埋单, 呢张信用咭既优惠你系可以享受到既.到上菜时, 已有一个女部长, 唔小心倒咗D汤落个坐位到, 好在当时我屋企人啱啱行开, 如果唔系就倒落佢度. 咁你倒泻野系我个位度, 正常我都会望望, 但系呢个女部长真系不知所谓,
呢间酒楼第一次系度食晚饭, 因为妈咪生日, 所以喺屋企附近揾间酒楼食饭. 今晚我地一行十几人(当中有10个大人, 4个小朋友, 1个BB)黎到食饭, 本来都冇咩特别, 只系觉得有D奇, 七八点时间, 竟然呢间酒楼无咩客, 虽然有三层啫, 但人客唔算多. 直到食完饭,我知点解呢间酒楼冇咩生意啦!
由于我们较多人, 每人点一两个小菜, 为免错漏, 所以用纸写了所点的小菜, 然后叫一个伙记过黎落单, 该名伙记将我地点既菜, 写晒落单之后, 亦有同我地覆一次所点的小菜有冇错漏. 呢间酒楼而家系同渣打做既PROMOTE, ORDER 某一D食物会半价, 又或者系D套餐特价. 落单时伙记冇同我地讲而家佢地系做紧渣打信用咭优惠, 如果有呢张信用咭, 可以点佢地推广既小菜. , 我地亦冇刻意提我会用渣打埋单, 因为宣传单上冇写明必须落单时声明.同埋一般黎讲, 只要出示正在推广既信用咭埋单, 呢张信用咭既优惠你系可以享受到既.
到上菜时, 已有一个女部长, 唔小心倒咗D汤落个坐位到, 好在当时我屋企人啱啱行开, 如果唔系就倒落佢度. 咁你倒泻野系我个位度, 正常我都会望望, 但系呢个女部长真系不知所谓, 我望吓系咪真系倒咗落张櫈度, 谂住抺返去, 但张枱布阻住咗视线, 好自然拨开张枱布去望啦, 呢个咁既女部长, 即刻咀"秒秒", 系度啤住我, 跟住佢系枱面拎咗张餐巾抺咗两吓,然后将块餐巾"pat"系枱面, 你呢d咁既态度, 我已经唔出声, 家阵系你倒泻野, 我望吓都唔得?? 跟住第二度菜要上台, 我只系再望吓抺干净未? 因为我屋企人要坐架嘛, 顶, 佢见我望, 即时再啤我两眼, 再侮气D抺咗两野, 走咗去. 呢D系咩态度呀? 好! 我算, 因为妈咪生日, 唔同你呢D人一般见识!
我地今日点咗只片皮鸭两食既, 但系份炒鸭丝迟迟未到, 台上个十几样𩠌已经清晒, 只系争个碟炒鸭丝, 叫呢个冇礼貌既女部长去跟跟单, 结果佢又唔多愿意咁去CHECK CHECK单. 我估系漏咗单, 见呢个女部长又同个经理倾咗几句, 又走咗去入机. 结果又等多两三个字, 个碟炒鸭丝终于上枱啦! 由于已经九点半啦, 等呢碟都真系等得太耐, 大家咩都食晒. 我地就顺便叫另一个伙记上埋d生果啦, 因谂住食埋生果就埋单走人. 去到呢个时候, 我都只系觉得系个女部长冇礼貌, 食物一般. 虽然小菜价钱一D都唔平, 但未有想过唔会再黎呢间酒楼
由于我地订枱时话有17人, 所以一坐低张单已经系划咗17个茶位, 咁埋单时咪同呢个极品女部长讲改返茶位, 佢望吓我地, 系度数数人头, 然后话D小朋友全部都要计架, 当中除咗手抱𠮶个BB, 最细𠮶个都未够3岁, 佢话要计, 我地都话咁你咪计啰, 你帮我改返人数茶位就得, 然后就话你地15人, 我地当时大家都愕然, 15人?? 连BB都计?? 叫佢自己再数清楚, 得14人, 一个手抱BB. 佢至话咁14人啦!
跟手我地叫佢埋单, 我地话有渣打信用咭, 只烧鹅应该系半价, 佢话佢唔知. 佢话佢要CHECK吓单,如果用到就用啦! 跟住返黎就话, 你落单时冇讲系用渣打信用咭优惠,所以冇优惠! 我地问佢, 咁你改唔到单咩? 呢张宣传单都冇讲要落单时声明. 佢就一味话改唔到单. 又话佢唔知道, 仲好笑系问, 你地落单时, 有冇拎住渣打个份宣传单指住话落呢度呢只烧鹅! 我地咪问佢, 你呢度d人冇同我讲要用咩优惠要出声,份野又冇讲明要落单前声明. 仲要你话唔系我落单, 我唔知. 既然系咁, 佢又话唔到事, 咩都话唔知, 我地咪叫佢叫部长黎啰! 跟住佢几寸咁话我就系部长 咁我地就话咁你叫经理黎啦! 佢走去个经理度讲咗几句, 跟住经埋就理都唔理, 叫佢去揾返落单既人黎同我地讲. 个刻已经觉得个经理都唔系路, 个客话要揾你, 你可以唔黎, 叫第二个伙记黎.咩服务态度??
好啦, 负责落单既伙记终于出现啦, 佢一出现就话小姐你地揾张纸写俾我要咩小菜, 我写完有同你地覆d小菜啱唔啱架㖞, 你又冇拎住份宣传单黎落单, 我唔知你要用优惠㖞! 我话咁你有冇讲用优惠要出声呀?你份宣传单有冇写明呀?? 跟住仲话我唔俾机会佢解释. 好我俾机会你讲, 结果俾你讲多次都系讲番个两句, 仲话我地冇讲佢就入个冇优惠既code. 咁我地又问返佢我地唔系写code俾你, 亦唔知你有两个code, 咁而家系咪唔可以有呢个优惠呀? 佢仍然答你地落单时冇讲, 唔系佢落错. 因为我地同d伙记嘈得几犀利, 基本上成个厅d食客都听见, 个个都望住. 系呢个时候, 个经理仍然当自己系聋, 系盲. 嘈成咁仲系企系收银度唔知做咩. 既然个经理咁懒皮, d伙记又系咁懒皮. 我地亦唯有照样懒皮啦, 同个伙记讲, 我唔会埋呢张单, 你去报警啦! 与此同时有个食客应该又系食完一肚火咁走, 行黎我地张枱附近大声话, 呢间垃圾黎架, 以后都唔使再黎帮衬呀! 正一垃圾, 跟住就向住门口方向走!
由于我地话唔埋单, 个伙记最终又系要走去个经理度讲, 大大声声话佢地而家话唔埋单, 叫我地报警㖞, 到呢个时候个经理冇得继续装聋扮盲. 死死地气咁行黎话有咩帮到我地. 结果又再讲多次. 佢依然觉得佢无错格, 然后又再讲一大堆废话, 下删一百字, 因内容都系个d, 话我地冇拎份menu同佢地落单, 唔指住要用呢个优惠㖞!最后仲问我地想点, 我地咪就系想要有呢个优惠啰, 结果佢咪死死地气话咁我帮你地去改返啦!
呢d咁既酒楼, 大大间集团, 但系小小事都要d食客嘈成咁至做野! 服务态度又差. 边有食客会返转头架, 野食又一般. 所以我地成家都决定唔会再帮衬呢间咁既酒楼, 食餐饭要咁受气! 如果佢地想继续做落去, 我谂佢应该要正视一下员工质素, 服务态度.
题外话/补充资料：
其实早两三年, 我系同一集团新浦岗分店食晚饭时, 遇到另一件事, 当时又系有信用咭优惠. 同样地叫咗只佢地出名既烧鹅. 虽然上枱系有一大只烧鹅, 但呢碟烧鹅竟然系一半烧鹅, 一半烧鸭. 单凭外表其实你好难分到佢系鹅定鸭, 但当你食入口, 总会发现有少少分别. 至抵死系表面全部系系鹅, 底就全会部系鸭, 你都食左一半, 点样去同酒楼讲入面个d系鸭唔系鹅呢? 仲有呢d要食入口至会发现有分别. 如果唔系各咬一口, 根本你未必会发现. 如果当时我同酒楼讲, 佢地坚持系鹅, 我都告佢唔入. 唔通真系将d剩余既鸭件, 拎去消委会告佢咩! 所以我地冇再帮衬新浦岗分店, 估唔到相隔几年, 系另一分店又遇到不快事. 睇黎以后都唔应该再去呢个集团既酒楼食饭啦!
(以上食记乃用户个人意见 , 并不代表OpenRice之观点。)
张贴