影片
更多
2012-08-31
285 浏览
病咗成个礼拜, 所有同过年有关嘅准备功夫, 一切仍然维持系零... 到咗年廿九, 请咗半日假大扫除, 开工前, 当然要喂饱自己先啦... 呢间八月芳, 开业至今, 一直FULL BOOKING, 我地呢D玩即兴嘅人, 次次都扫兴而回, 今日都唔例外... 不过佢话12:30PM前还到枱比佢嘅话, 就比我地入去... 入座后, 越坐越后悔入咗去... 全间餐厅得一张2人枱, 系TOILET门口条通道加开嘅... D侍应不停拖D櫈出黎, 叠高十几张, 每次都响我地'后脑怎'CHOK到摇摇晃晃, 因为系地镈地拉上地毯中间有条钢条, 前前后后搬咗几次, 每次都睇到惊心动魄, 好惊比佢'责'死... 全间餐厅得2枱客, 十几廿个侍应, 挥晒手都冇人帮你落单, 几经辛苦拦住一个服务员, 问佢有冇商务套餐嘅MENU, 佢把金口好矜贵, 开都唔开, 指住张6人/12人贺年餐牌就走咗去, 我地得2个人咋, 点食呀??? 餐具睇落好正, 可惜筷子D金属好'界'手, NO GOOD... 条气已经CHOK到咩咁, 点知D食物嘅味道先最令人失望... 鸟笼点心, 个卖相都过得去, D味道真系...(上层)三菇
到咗年廿九, 请咗半日假大扫除, 开工前, 当然要喂饱自己先啦...
呢间八月芳, 开业至今, 一直FULL BOOKING, 我地呢D玩即兴嘅人, 次次都扫兴而回, 今日都唔例外... 不过佢话12:30PM前还到枱比佢嘅话, 就比我地入去... 入座后, 越坐越后悔入咗去...
全间餐厅得一张2人枱, 系TOILET门口条通道加开嘅... D侍应不停拖D櫈出黎, 叠高十几张, 每次都响我地'后脑怎'CHOK到摇摇晃晃, 因为系地镈地拉上地毯中间有条钢条, 前前后后搬咗几次, 每次都睇到惊心动魄, 好惊比佢'责'死...
全间餐厅得2枱客, 十几廿个侍应, 挥晒手都冇人帮你落单, 几经辛苦拦住一个服务员, 问佢有冇商务套餐嘅MENU, 佢把金口好矜贵, 开都唔开, 指住张6人/12人贺年餐牌就走咗去, 我地得2个人咋, 点食呀???
餐具睇落好正, 可惜筷子D金属好'界'手, NO GOOD...
条气已经CHOK到咩咁, 点知D食物嘅味道先最令人失望...
鸟笼点心, 个卖相都过得去, D味道真系...
(上层)三菇六耳饺--个样好恶心, 加上系菇, 队比HONEY食...
虾饺--一个字, 咸!!! 完全食唔出有虾饺味!!!
烧卖--除咗咸之外, 竟然同虾饺一样味, 好得人惊呀!!!
(下层)南瓜千层糕--冇南瓜味, 一旧冇味千层糕!!!
燕窝蛋挞--D燕窝黑蚊蚊咁, 要了走好多先敢放落口...
萝卜丝酥角--萝卜好够味, 可惜, 一出场反晒肚, 系一间高级餐厅入面发生, 我接受唔到啰...
担担面--汤底难以置信咁稀同埋冇味, 仲要D面系痴埋一团咁上, 成个猴子脑咁, 见到都想呕...
服务差, 环境差, 味道差, 竟然收我地211蚊, 有冇搞错!!! 难为HONEY念住就过年, 想同我食餐好嘅, 比呢间八月芳咩兴都扫晒!!!
一句到尾, 冇下次!!!
张贴
